ഏറെ നാളായി പ്രേക്ഷകര് പ്രതീക്ഷയോടെ ഉറ്റുനോക്കുന്ന വിദ്യാ ബാലന് നായികയായെത്തുന്ന ചിത്രം തുമാരി സില്ലുവിലെ ആദ്യ ഗാനത്തിന്റെ വീഡിയോ പുറത്തുവന്നു. രണ്ട് മിനിറ്റ് ദൈര്ഘ്യമുള്ള വീഡിയോയില് ഐകോണിക് ഗാനം ഹവാ ഹവായിക്കാണ് വിദ്യാ ബാലന് ചുവടുവച്ചിരിക്കുന്നത്. ബ്ലോക്ബസ്റ്റര് ചിത്രം മിസ്റ്റര് ഇന്ത്യയിലെ ഹവാ ഹവായി എന്ന സൂപ്പര്ഹിറ്റ് ഗാനം തുമാരി സുല്ലുവില് റീമേക്ക് ചെയ്തിട്ടുണ്ട്. ഇതാണ് ഇപ്പോള് പുറത്തുവന്നിരിക്കുന്നത്. നേഹാ ധൂപിയയും ആര് ജെ മലിഷ്കയും വിദ്യക്കൊപ്പം നൃത്തവേദിയില് ചുവടുവയ്ക്കുന്നുണ്ട്.
കുടുംബചിത്രമായ തുമാരി സുല്ലുവിന്റെ സംവിധാനം സുരേഷ് ത്രിവേണിയാണ്. നവംബര് 17ന് ചിത്രം തീയറ്ററുകളില് എത്തും. തന്നെ വളരെയധികം ആകര്ഷിച്ച സ്ത്രിപ്റ്റാണ് തുമാരി സുല്ലുവിന്റെതെന്ന് ചിത്രത്തിന്റെ ട്രെയ്ലര് ലോഞ്ചില് വിദ്യാ ബാലന് പറഞ്ഞിരുന്നു. സ്ക്രിപ്റ്റ് വായിച്ച് കഴിഞ്ഞപ്പോള് താന് ഈ അടുത്തിടെ കേട്ടതില് ഏറ്റവും മനോഹരമായ കഥയാണ് ഇതെന്ന് സ്ക്രിപ്റ്റിനോടൊപ്പം എഴുതി നല്കുകയുണ്ടായെന്നും വിദ്യ മാധ്യമങ്ങളോട് പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ