ഹാരി-മേഗന്‍ വിവാഹനിശ്ചയ ചിത്രങ്ങള്‍ അനുകരിച്ച് നിക്കും പ്രിയങ്കയും
കഴിഞ്ഞ ദിവസം ന്യൂയോര്‍ക്ക് ഫാഷണ്‍ വീക്കിലെത്തിയപ്പോള്‍ ബോളിവുഡ് നടി പ്രിയങ്ക ചോപ്രയും പ്രതിശ്രുത വരന്‍ നിക് ജൊനാസും പകര്‍ത്തിയ ചിത്രങ്ങള്‍ ഹാരി-മേഗന്‍ വിവാഹനിശ്ചയ ചിത്രങ്ങള്‍ക്ക് സമാനമായിരുന്നു. ഇതോടെ പ്രിയങ്ക-നിക് വിവാഹം റോയല്‍ വെഡ്ഡിങ്ങിന്റെ രണ്ടാം പതിപ്പായിരിക്കുമോ എന്ന ആകാംഷയിലാണ് ആരാധകര്‍. അലക്‌സി ലുംബോമിര്‍സ്‌കി എന്ന പ്രശസ്ത ഫോട്ടോഗ്രാഫറാണ് ചിത്രങ്ങള്‍ പകര്‍ത്തിയത്.
അടുത്ത സൂഹൃത്തായ മേഗന്റെ വിവാഹത്തില്‍ പ്രിയങ്ക പങ്കെടുത്തിരുന്നു. പിന്നാലെയാണ് പ്രിയങ്കയുടെ പ്രണയവും വിവാഹനിശ്ചയവുമെല്ലാം നടന്നത്. പ്രിയങ്ക-നിക് വിവാഹം ഉടന്‍ ഉണ്ടാകുമെന്ന് റിപ്പോര്‍ട്ടുകളുണ്ടെങ്കിലും ഇതുസംബന്ധിച്ച് ഔദ്യോഗിക സ്ഥിരീകരണമൊന്നും ഉണ്ടായിട്ടില്ല. വിവാഹം പ്രമാണിച്ച് സല്‍മാനൊപ്പം നായികയായി അഭിനയിക്കാന്‍ കരാര്‍ ചെയ്തിരുന്ന ബോളിവുഡ് ചിത്രത്തില്‍ നിന്ന് നടി പിന്മാറിയിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ