സമൂഹമാധ്യമങ്ങളില്‍ തരംഗമാകുന്ന ഏറ്റവും പുതിയ ചലഞ്ചാണ് കുപ്പിയുടെ അടപ്പ് കാല്‍ കൊണ്ട് തെറിപ്പിക്കുന്ന ബോട്ടില്‍ ക്യാപ് ചലഞ്ച്.
ബോട്ടില്‍ക്യാപ് ചലഞ്ച് ഏറ്റെടുത്ത ബോളിവുഡ് നടന്‍ സിദ്ധാര്‍ഥ് മല്‍ഹോത്ര വെല്ലുവിളിച്ചത് അടുത്ത സുഹൃത്തും നടിയുമായ പരിനീതി ചോപ്രയെയാണ്. ഇന്‍സ്റ്റഗ്രാമിലൂടെയായിരുന്നു സിദ്ധാര്‍ഥ് പരിനീതിയെ വെല്ലുവിളിച്ചത്.
ആ വെല്ലുവിളി ധൈര്യപൂര്‍വം ഏറ്റെടുക്കാന്‍ തീരുമാനിച്ച നടി പിന്നീട് ചെയ്യുന്ന രസകരമായ പ്രവൃത്തിയുടെ വീഡിയോയാണ് ഇപ്പോള്‍ സോഷ്യല്‍മീഡിയയില്‍ പ്രചരിക്കുന്നത്. കുപ്പിയൊക്കെ എടുത്തുവച്ച് പരിനീതി നടന്നടുക്കുമ്പോള്‍ പ്രേക്ഷകരും അമ്പരന്നു. പക്ഷേ വിഡിയോയുടെ അവസാനമാണ് സംഗതി തട്ടിപ്പ് ആണെന്ന് മനസ്സിലായത്. കുപ്പിയുടെ അടപ്പ് തൊഴിച്ചു പറപ്പിക്കുന്നതിനു പകരം തന്റെ കൈയിലെ ബാറ്റ് ഉപയോഗിച്ച് നടി തട്ടിമാറ്റുകയായിരുന്നു. സിദ്ധു, ഇതാണ് താന്‍ ഏറ്റെടുത്ത ബോട്ടില്‍ ക്യാപ് ചലഞ്ച് എന്ന് പറഞ്ഞ് കൊണ്ട് ഇന്‍സ്റ്റാഗ്രാമില്‍ തന്നെയാണ് പരിനീതി ഈ വീഡിയോ പങ്കുവെച്ചത്.
ഹോളിവുഡില്‍ നിന്ന് ജേസണ്‍ സ്റ്റാഫത്തിനും ബോളിവുഡില്‍ നിന്ന് അക്ഷയ് കുമാറിനും പിന്നാലെ മലയാളത്തില്‍ നീരജ് മാധവനും ചലഞ്ച് ഏറ്റെടുത്തത് വാര്‍ത്തയായിരുന്നു. മറ്റു മലയാളിനടന്മാരായ ഉണ്ണിമുകുന്ദനും വിനയ് ഫോര്‍ട്ടും ബോട്ടില്‍ കാപ് ചാലഞ്ചില്‍ വിജയം കൈവരിച്ചിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ