സ്വാമി അയ്യപ്പന്‍ സീരിയലില്‍ അയ്യപ്പനായിവന്ന് മലയാളികളുടെ മനസുകവര്‍ന്ന യുവനടന്‍ കൗശിക് ബാബു വിവാഹിതനായി. ഭവ്യയാണ് താരത്തിന്റെ വധു. താരത്തിന്റെ വിവാഹചിത്രങ്ങള്‍ സോഷ്യല്‍ മീഡിയയില്‍ വൈറലാവുകയാണ്.
നീ എന്റെ ഒരു ദിവസമാണ്, എന്റെ രാത്രിയാണ് എന്റെ എല്ലാം എല്ലാമാണ് എന്നാണ് തന്റെ പ്രിയതമയെ പറ്റി കൗശിക് കുറിച്ചിരിക്കുന്നത്. സിനിമാസീരിയല്‍ രംഗത്തെ നിരവധി പേരാണ് ചടങ്ങില്‍ പങ്കെടുത്തത്. ഫെബ്രുവരിയിലായിരുന്നു ഇരുവരുടേയും വിവാഹ നിശ്ചയം.
ആന്ധ്രാപ്രദേശുകാരനായ കൗശിക് തെലുങ്ക് സിനിമയിലൂടെ ബാലതാരമായാണ് അരങ്ങേറുന്നത്. തുടര്‍ന്നാണ് മലയാളം സീരിയലിലെ സ്വാമി അയ്യപ്പനായി താരം എത്തുന്നത്. പത്താം ക്ലാസില്‍ പഠിക്കുമ്പോഴായിരുന്നു സ്വാമി അയ്യപ്പന്‍ സീരിയലില്‍ അഭിനയിച്ചത്. താരത്തിന്റെ പ്രകടനത്തിന് മികച്ച പ്രതികരണമാണ് ലഭിച്ചത്. പിന്നീട് വൈറ്റ് ബോയ്‌സ് എന്ന ചിത്രത്തില്‍ നായകനായി എത്തി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ