ഫഹദ് ഫാസിലിനെ നായകനാക്കി ദിലീഷ് പോത്തൻ സംവിധാനം ചെയ്ത മലയാളത്തിലെ ഹിറ്റ് ചിത്രമാണ് മഹേഷിന്റെ പ്രതികാരം. തമിഴില് ‘നിമിര്’ എന്ന പേരില് എത്തിയ ചിത്രം ഇപ്പോഴിതാ തെലുങ്കിലും റിലീസിനൊരുങ്ങുകയാണ്. 'ഉമാ മഹേശ്വരാ ഉഗ്ര രൂപസ്യ' എന്നാണ് തെലുങ്ക് പതിപ്പിന്റെ പേര്. വെങ്കിടേഷ് മഹ സംവിധാനം ചെയ്തിരിക്കുന്ന ചിത്രത്തിന്റെ ടീസർ പുറത്തുവിട്ടു.
സത്യ ദേവ് ആണ് ചിത്രത്തിൽ നായകനായെത്തുന്നത്. സുഹാസ്, ജബ്ബര്ദസ്ത് റാംപ്രസാദ്, ടിഎന്ആര്, രവീന്ദ്ര വിജയ്, കെ രാഘവന് എന്നിവരും പ്രധാന വേഷങ്ങളിലെത്തുന്നുണ്ട്. ബിജിബാൽ ആണ് ചിത്രത്തിൽ സംഗീതമൊരുക്കിയിരിക്കുന്നത്. ‘ബാഹുബലി’ നിർമാതാക്കളായ അര്ക മീഡിയ വര്ക്ക്സ് നിർമ്മിക്കുന്ന ചിത്രം ഏപ്രില് 17 ന് തിയറ്ററുകളിലെത്തും.
മഹേഷിന്റെ പ്രതികാരത്തിൻ തമിഴ് പതിപ്പ് പ്രിയദര്ശന് ആണ് ഒരുക്കിയത്. ഉയദനിധി സ്റ്റാലിനായിരുന്നു നായകനായെത്തിയ ചിത്രത്തിൽ നമിത പ്രമോദ്, പാര്വതി നായര് എന്നിവരായിരുന്നു നായികമാര്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ