ഇന്ത്യന് സംഗീത രംഗത്തെ പ്രിയ ഗായികയാണ് ശ്രേയ ഘോഷാല്. ഭാഷയുടെ അതിര് വരമ്പുകളില്ലാതെ പാടുന്ന ഗായിക ബോളിവുഡില് മാത്രമല്ല തെന്നിന്ത്യയിലും പ്രിയങ്കരിയാണ്. ഇപ്പോള് തനിക്ക് കുഞ്ഞ് പിറക്കാന് പോകുന്നതിന്റെ സന്തോഷം പങ്കുവെച്ചിരിക്കുകയാണ് ഗായിക. നിറവയറുമായി നില്ക്കുന്ന ചിത്രം പങ്കുവെച്ചുകൊണ്ടാണ് താരം കുഞ്ഞതിഥി വരുന്നതിനെക്കുറിച്ച് ആരാധകരെ അറിയിച്ചത്.
'ബേബി ശ്രേയാദിത്യ വരുന്നുണ്ട്. ഷിലാദിത്യയും ഞാനും വളരെ സന്തോഷത്തിലാണ് ഈ വാര്ത്ത നിങ്ങളെ അറിയിക്കുന്നത്. ജീവിതത്തില് പുതിയ അദ്യായത്തിന് തുടക്കമിടുമ്പോള് നിങ്ങള് എല്ലാവരുടേയും സ്നേഹവും അനുഗ്രഹവും വേണം.'- ശ്രേയ ഘോഷാല് കുറിച്ചു.
സെലിബ്രിറ്റികളും ആരാധകരും ഉള്പ്പടെ നിരവധി പേരാണ് പ്രിയഗായികയ്ക്ക് ആശംസകളുമായി എത്തിയിരിക്കുന്നത്. ശ്രേയയും ഷിലാദിത്യയും 2015 ലാണ് വിവാഹിതരാവുന്നത്. നീണ്ട നാളത്തെ പ്രണയത്തിന് ശേഷമായിരുന്നു വിവാഹം.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ