ന്യൂഡല്‍ഹി: ബോളിവുഡ് നടിയും ബിജെപി എംപിയുമായ ഹേമമാലിനിക്കും ഗാന രചയിതാവ് പ്രസൂണ്‍ ജോഷിക്കും കേന്ദ്ര സര്‍ക്കാരിന്റെ പുരസ്‌കാരം. ചലച്ചിത്ര ലോകത്തിന് നല്‍കിയ സമഗ്ര സംഭാവന പരിഗണിച്ചാണ് ഇരുവര്‍ക്കും പുരസ്‌കാരം.
'ഇന്ത്യന്‍ സിനിമയിലെ മികച്ച വ്യക്തിത്വങ്ങള്‍' എന്ന പുരസ്‌കാരമാണ് ഇരുവര്‍ക്കും സമ്മാനിക്കുന്നത്. ഈ മാസം അവസാന ഗോവയില്‍ നടക്കുന്ന അന്താരാഷ്ട്ര ചലച്ചിത്രോത്സവ വേദിയില്‍ വച്ച് പുരസ്‌കാരം സമ്മാനിക്കും.
കേന്ദ്ര മന്ത്രി അനുരാഗ് ഠാക്കൂറാണ് വിജയികളെ പ്രഖ്യാപിച്ചത്. ഇന്ത്യന്‍ സിനിമയുടെ മുഖങ്ങളായിട്ടാണ് ഇരുവരേയും ലോകം മുഴുവന്‍ കാണുന്നതെന്ന് പുരസ്‌കാരം പ്രഖ്യാപിച്ച് മന്ത്രി വ്യക്തമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ