ഗുവാഹത്തി; ഗായകനും സംഗീത സംവിധായകനുമായ സുബീൻ ഗാർഗ് തലയ്ക്കു പരിക്കേറ്റതിനെ തുടർന്ന് ആശുപത്രിയിൽ. ദിബ്രുഗഢിലുള്ള റിസോർട്ടിലെ ബാത്ത്റൂമിൽ വീണാണ് സുബീന് പരുക്കേറ്റത്. ഉടൻ തന്നെ എയർ ആംബുലൻസിൽ അദ്ദേഹത്തെ ഗുവാഹത്തിയിലെ ആശുപത്രിയിൽ എത്തിക്കുകയായിരുന്നു.
ആശുപത്രിയിൽ എത്തിയ സുബിൻ ഗാർഗിനെ സിടി സ്കാനിന് വിധേയനാക്കി. പരിക്ക് ഗുരുതരമല്ല എന്ന് ഡോക്ടർമാരെ ഉദ്ധരിച്ച് വിവിധ ദേശീയമാധ്യമങ്ങൾ റിപ്പോർട്ട് ചെയ്തു. ഗാർഗിന് മികച്ച ചികിത്സ ലഭ്യമാക്കണമെന്ന് ദിബ്രുഗഢ് ജില്ലാ ഡെപ്യൂട്ടി കമ്മീഷണർക്ക് മുഖ്യമന്ത്രി ഹിമന്ത ബിശ്വ സെൻ നിർദേശം നൽകിയിരുന്നു. കൂടാതെ ഇതിന്റെയെല്ലാം മേൽനോട്ടത്തിന് ആരോഗ്യമന്ത്രി കേശബ് മഹന്തയെ നിയോഗിക്കുകയും ചെയ്തിരുന്നു.
അസ്സാമി സംഗീതജ്ഞനായ സുബിൻ ഗാർഗ് ഇമ്രാൻ ഹഷ്മിയുടെ ഗാങ്സ്റ്റർ എന്ന ചിത്രത്തിലെ യാ അലി എന്ന ഗാനത്തിലൂടെയാണ് പ്രശസ്തി നേടുന്നത്. ക്രിഷ് 3-യിലെ ദിൽ തൂ ഹി ബതാ എന്ന ഗാനം ഉൾപ്പടെ നിരവധി ഗാനങ്ങൾ ആലപിച്ചു. ബോളിവുഡിനൊപ്പും അസ്സാമി, ബിഹാറി ഭാഷകളിലും ശ്രദ്ധേയനാണ്. അദ്ദേഹം സംഗീതസംവിധാനം നിർവഹിച്ച കാഞ്ചൻജംഗ, മിഷൻ ചൈന, ദീൻബന്ധു തുടങ്ങിയ ചിത്രങ്ങൾ സൂപ്പർഹിറ്റുകളായിരുന്നു.
ഈ വാര്‍ത്ത കൂടി വായിക്കാം
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ