തിരുവനന്തപുരം; നടൻ മിഗ്ദാദ് അന്തരിച്ചു. 72 വയസായിരുന്നു. തിരുവനന്തപുരം കിംസ് ആശുപത്രിയിൽ വെച്ചായിരുന്നു അന്ത്യം. കുറച്ചു വർഷങ്ങളായി രോഗബാധിതനായി കിടപ്പിലായിരുന്നു. സിബി മലയിൽ സംവിധാനം ചെയ്ത മുത്താരംകുന്ന് പിഒ എന്ന ചിത്രത്തിലെ ഫയല്‍വാന്റെ വേഷത്തിലൂടെ ശ്രദ്ധേയനായിരുന്നു.
1982- ൽ റിലീസായ ആ ദിവസം എന്ന സിനിമയിലൂടെയാണ് സിനിമാഭിനയത്തിന് തുടക്കം കുറിച്ചത്. മിഗ്ദാദിൻ്റെ അഭിനയ ജീവിതത്തിലെ അവിസ്മരണീയമായ വേഷം ആയിരുന്നു മുത്താരംകുന്ന് പി.ഒയിലെ ഫയൽവാൻ. മയക്കുമരുന്ന് കലക്കിയ പാൽ കുടിച്ച് ഗുസ്തിക്കിടെ ഗോദയിൽ മയങ്ങി വീഴുന്ന "ജിംഖാന അപ്പുക്കുട്ടൻ പിള്ള" എന്ന ആ കഥാപാത്രം നല്ല രീതിയിൽ സ്വീകരിക്കപ്പെട്ടു. നന്മനിറഞ്ഞവന്‍ ശ്രീനിവാസന്‍, ആ ദിവസം, കുയിലിനെ തേടി തുടങ്ങിയ ചിത്രങ്ങളില്‍ അഭിനയിച്ചു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ