സമൂഹമാധ്യമങ്ങളിലൂടെ നിരവധി പേർക്ക് പ്രചോദനമായിരുന്ന തൃശൂർ ഇരിങ്ങാലക്കുട സ്വദേശി പ്രണവിന്റെ അപ്രതീക്ഷിത വിയോഗം മലയാളികളെ ഒന്നാകെ ദുഖത്തിലാഴ്ത്തി. ബൈക്ക് അപകടം ശരീരം തളർത്തിയെങ്കിലും ജീവിതത്തോട് നിരന്തരം പോരാടിയായിരുന്നു പ്രണവ് ജീവിച്ചിരുന്നത്. നിരവധിയാളുകൾ പ്രണവിന്റെ വേർപാടിൽ വേദന പങ്കുവെച്ച് രംഗത്തെത്തിയിരുന്നു. ഇപ്പോഴിതാ സിനിമ-സീരിയൽ താരം സീമ ജി നായർ പ്രണവിന്റെ വിയോഗത്തിൽ പങ്കുവെച്ച വാക്കുകൾ സമൂഹമാധ്യമങ്ങളിൽ ശ്രദ്ധനേടുകയാണ്.
പ്രണവിനെ കാണാൻ ആഗ്രഹിച്ചിരുന്നുവെന്നും. മരണവാർത്ത വിശ്വസിക്കാൻ കഴിയുന്നില്ലെന്നും നടി ഫെയ്‌സ്‌ബുക്കിൽ പങ്കുവെച്ച കുറിപ്പിൽ പറഞ്ഞു. ജീവിച്ചു കൊതിതീരാതെ മടങ്ങിയ പ്രണവിന്റെ വിയോഗത്തെ ഷഹാന എങ്ങനെ അതിജീവിക്കുമെന്നും താരം പറഞ്ഞു.
സീമയുടെ ഫെയ്‌സ്‌ബുക്ക് കുറിപ്പ്
പ്രണവിന് ആദരാഞ്ജലികൾ ..ഒരിക്കലെങ്കിലും ഈ പ്രിയപെട്ടവരെ കാണണമെന്ന് ആഗ്രഹിച്ചിരുന്നു ..കഴിഞ്ഞ ദിവസം ഷഹാനയുടെ മുഖം നെഞ്ചിൽ ടാറ്റു ചെയ്‌ത വീഡിയോ കണ്ടപ്പോൾ അടുത്ത് തന്നെ ഒന്ന് കാണണമെന്ന് ആഗ്രഹിച്ചു ..പക്ഷെ ഇപ്പോൾ കേട്ടത് വിശ്വസിക്കാൻ പറ്റുന്നില്ല ..രാവിലെ മുതലുള്ള ഓട്ടം കഴിഞ്ഞു വീട്ടിൽ എത്തിയപ്പോൾ ന്യൂസിൽ കണ്ടതു ഇത് ..ജീവിച്ചു കൊതി തീരത്തെയാണല്ലോ മോനെ നിന്റെ മടക്കം ..ആ കുട്ടി എങ്ങനെ ഇതിനെ അതിജീവിക്കും
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ