ഭരത്പൂര്‍: കോണ്‍ഗ്രസ് ഭരിക്കുന്നിടത്തോളം കാലം സംസ്ഥാനത്ത് ബലാത്സംഗം തടയാനാവില്ലെന്ന് ബിജെപി എംഎല്‍എ കാളി ചരണ്‍ സറഫ്. ബിജെപി അംഗത്വവിതരണം നടത്തുന്നതിനിടെയായിരുന്നു എംഎല്‍എയുടെ വിവാദ പരാമര്‍ശം.
സംസ്ഥാനത്ത് ലൈംഗിക പീഡന കേസുകള്‍ ഗണ്യമായി വര്‍ധിക്കുന്ന സാഹചര്യത്തിലാണ് അശോക് ഗെലോട്ട് സര്‍ക്കാരിനെതിരെ രൂക്ഷവിമര്‍ശനവുമായി എംഎല്‍എ രംഗത്തെത്തിയത്. സംസ്ഥാനത്ത് സ്ത്രീകള്‍ക്കെതിരായ ലൈംഗിക അതിക്രമങ്ങളില്‍ 87 വര്‍ധനവ് രേഖപ്പെടുത്തിയിരുന്നു. ഇത് അസ്വസ്ഥപ്പെടുത്തുന്നതാണെന്നും കോണ്‍ഗ്രസ് ഭരിക്കുന്നിടത്തോളം കാലം ബലാത്സംഗം ഇല്ലാതാക്കാനാവില്ലെന്നും എംഎല്‍എ പറഞ്ഞു.
ജൂലായ് മാസം ഒന്നാം തിയ്യതി രാജസ്ഥാനില്‍ ഏഴുവയസ്സുകാരി ബലാത്സംഗത്തിന് പിന്നാലെ കഴുത്ത് ഞെരിച്ച് കൊല്ലപ്പെട്ടിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ