ചുഞ്ചു നായര്‍ എന്ന വളര്‍ത്തുപൂച്ചയുടെ ഓര്‍മ്മദിനത്തില്‍ വീട്ടുകാര്‍ നല്‍കിയ പത്രപ്പരസ്യമാണ് ഇപ്പോള്‍ സമൂഹമാധ്യമങ്ങളില്‍ വൈറല്‍. ഇതിനെച്ചുറ്റിപ്പറ്റി അനേകം ട്രോളുകളും പോസ്റ്റുകളും വരുന്നുണ്ട്. നായര്‍ ജാതി വാല്‍ നല്‍കിയതിന്റെ പേരില്‍ കുടുംബത്തെ പരിഹസിച്ചാണ് മിക്കവരും രംഗത്തെത്തുന്നത്.
എന്നാല്‍ തങ്ങളുടെ വളര്‍ത്തുമൃഗത്തോടുള്ള സ്‌നേഹത്തിന്റെ പേരിലാണ് കുടുംബം അങ്ങനെ ചെയ്‌തെന്നും താനും അങ്ങനെ ചെയ്യാറുണ്ടെന്നും പറഞ്ഞ് രംഗത്തെത്തിയിരിക്കുകയാണ് ബോളിവുഡ് താരം രവീണ ടണ്ടന്‍. ഇതില്‍ ജാതിക്ക് യാതൊരു ബന്ധവുമില്ലെന്നും താരം വ്യക്തമാക്കി.
'ആളുകള്‍ക്ക് ഒരു പണിയുമില്ല. മൃഗങ്ങള്‍ക്ക് സര്‍നെയിം നല്‍കുന്നതില്‍ ജാതിക്കൊരു പങ്കുമില്ല. എന്റെ എല്ലാവളര്‍ത്തു മൃഗങ്ങള്‍ക്കും അവയുടെ വാക്‌സിനേഷന്‍ ഫയലില്‍ ഞങ്ങളുടെ സര്‍നെയിം ആണ് നല്‍കിയിട്ടുള്ളത്. ഇത് സ്‌നേഹവും വാത്സല്യവുമാണ്'- രവീണ ട്വീറ്റ് ചെയ്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ