ന്യൂഡല്ഹി: ഹരിയാന, മഹാരാഷ്ട്ര തെരഞ്ഞെടുപ്പ് ഫലം ഇന്ന് വരാനിരിക്കെ വാര്ത്താ ചാനലുകളില് സംഘടിപ്പിക്കുന്ന ചര്ച്ചകളില് പങ്കെടുക്കേണ്ടെന്ന് കോണ്ഗ്രസ് തീരുമാനം. തെരഞ്ഞെടുപ്പ് ഫലവുമായി ബന്ധപ്പെട്ട ചര്ച്ചകളില് നിന്ന് വിട്ടുനില്ക്കാന് ഇടക്കാല പ്രസിഡന്റ് സോണിയാ ഗാന്ധിയാണ് നേതാക്കളോട് ആവശ്യപ്പെട്ടത്. എന്നാല് മാധ്യമങ്ങള്ക്ക് നേതാക്കള് അഭിമുഖം നല്കുന്നതില് വിലക്കില്ലെന്നും സോണിയ അറിയിച്ചു.
ഹരിയാനയില് കോണ്ഗ്രസ് വിജയ സാധ്യത കല്പ്പിക്കുന്നുണ്ട്. എന്നാല് മഹാരാഷ്ട്രയില് വലിയ മുന്നേറ്റം നടത്താന് സാധിച്ചേക്കില്ല. എക്സിറ്റ് പോളുകളില് ബിജെപിയ്ക്കാണ് കൂടുതല് സാധ്യത കല്പ്പിക്കുന്നത്. മേയില് നടന്ന ലോക്സഭ തെരഞ്ഞെടുപ്പ് മുതലാണ് ചാനല് ചര്ച്ചയില് നേതാക്കള് പങ്കെടുക്കേണ്ടെന്ന് കോണ്ഗ്രസ് തീരുമാനിച്ചത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ