ന്യൂഡൽഹി: രാജ്യത്ത് കഴിഞ്ഞ 24 മണിക്കൂറിനിടെ 24,850 പേർക്കു കോവിഡ് സ്ഥിരീകരിച്ചു. 613 പേരാണ് ഇന്നലെ മാത്രം വൈറസ് ബാധ മൂലം മരിച്ചത്. 6,73,165 പേർക്കാണ് ഇതുവരെ കോവിഡ് ബാധിച്ചത്. ഇതിൽ 2,44,814 പേർ ആശുപത്രികളിൽ ചികിത്സയിലാണ്. 4,09,083 പേർ രോഗമുക്തി നേടി. 19,268 പേരാണ് ഇതുവരെ രോഗം ബാധിച്ചു മരിച്ചത്.
കോവിഡ് വ്യാപനം രൂക്ഷമായി തുടരുന്ന മഹാരാഷ്ട്രയില് രോഗബാധിതരുടെ എണ്ണം രണ്ടുലക്ഷം കടന്നു. 2,00,064 പേര്ക്കാണ് ഇതുവരെ കോവിഡ് സ്ഥിരീകരിച്ചത്. ഇന്നലെ മാത്രം 7074 പേര്ക്കാണ് രോഗബാധ കണ്ടെത്തിയത്. ഈ സമയത്ത് 295 പേര്ക്കാണ് ജീവന് നഷ്ടമായത്. മഹാരാഷ്ട്രയാണ് രാജ്യത്ത് വൈറസ് ബാധയില് മുന്നില്.
തമിഴ്നാട്ടില് കോവിഡ് ബാധിതരുടെ എണ്ണം ഒരു ലക്ഷം കടന്നു. ഇന്നലെ 4280 പേര്ക്ക് കോവിഡ് സ്ഥിരീകരിച്ചു. സംസ്ഥാനത്ത് 24 മണിക്കൂറിനിടെ 65 പേര് കോവിഡ് മൂലം മരിച്ചെന്നും തമിഴ്നാട് ആരോഗ്യവകുപ്പ് കണക്കുകള് വ്യക്തമാക്കുന്നു. നിലവില് 1,07,001 പേര്ക്കാണ് സംസ്ഥാനത്ത് കോവിഡ് സ്ഥിരീകരിച്ചത്. ഇതുവരെ 1450 പേര്ക്ക് രോഗബാധയെ തുടര്ന്ന് ജീവന് നഷ്ടമായതായും ആരോഗ്യവകുപ്പ് കണക്കുകള് വ്യക്തമാക്കുന്നു.
കര്ണാടകയില് കഴിഞ്ഞ ഏഴു ദിവസമായി പ്രതിദിനം ആയിരത്തിലധികം പേര്ക്ക് വീതമാണ് കോവിഡ് സ്ഥിരീകരിക്കുന്നത്. സംസ്ഥാനത്ത് പ്രതിദിനം രേഖപ്പെടുത്തുന്ന ഏറ്റവും ഉയര്ന്ന കോവിഡ് കണക്കാണ് ഇന്നലെ റിപ്പോർട്ട് ചെയ്തത്. 1839 പേര്ക്കാണ് പുതുതായി കോവിഡ് സ്ഥിരീകരിച്ചത്. 24 മണിക്കൂറിനിടെ 42 പേര് രോഗം ബാധിച്ച് മരിച്ചതായും കര്ണാടക ആരോഗ്യവകുപ്പ് കണക്കുകള് വ്യക്തമാക്കുന്നു.
ഡൽഹിയിൽ ഇന്നലെ 2632 പുതിയ കോവിഡ് കേസുകള് കൂടി റിപ്പോര്ട്ട് ചെയ്തു. 55 പേര് മരിച്ചു. ഇതോടെ ഡല്ഹിയില് കോവിഡ് 19 സ്ഥിരീകരിച്ചവരുടെ എണ്ണം 97,200 ആയി ഉയര്ന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ