മുംബൈ: മഹാരാഷ്ട്രയില്‍ പൊലീസുകാര്‍ക്കിടയിലുളള കോവിഡ് വ്യാപനത്തില്‍ ശമനമില്ല. 24 മണിക്കൂറിനിടെ 91 പൊലീസുകാര്‍ക്കാണ് കോവിഡ് സ്ഥിരീകരിച്ചത്. ഇതോടെ മഹാരാഷ്ട്ര പൊലീസില്‍ കോവിഡ് സ്ഥിരീകരിച്ചവരുടെ എണ്ണം 2416 ആയി ഉയര്‍ന്നു. 24 മണിക്കൂറിനിടെ 26 പേര്‍ക്കാണ് മരണം സംഭവിച്ചത്. നിലവില്‍ 1421 പേരാണ് വിവിധ ആശുപത്രികളില്‍ ചികിത്സയില്‍ കഴിയുന്നത്.

ഇന്നലെ 114 പൊലീസുകാര്‍ക്കാണ് കോവിഡ് സ്ഥിരീകരിച്ചത്. അതേസമയം മഹാരാഷ്ട്രയില്‍ കോവിഡ് സ്ഥിരീകരിച്ചവരുടെ എണ്ണം 65000 കടന്നു. 24 മണിക്കൂറിനിടെ 2940 പേര്‍ക്കാണ് കോവിഡ് സ്ഥിരീകരിച്ചത്. ഈ സമയപരിധിയില്‍ 1084പേര്‍ രോഗമുക്തി നേടിയത് ആശ്വാസമായി. 28081 പേരാണ് ഇതിനോടകം രോഗമുക്തി  നേടിയത്. 24 മണിക്കൂറിനിടെ 99 പേര്‍ക്ക് കൂടി കോവിഡ് ബാധയെ തുടര്‍ന്ന് ജീവന്‍ നഷ്ടമായതോടെ, സംസ്ഥാനത്തെ മൊത്തം മരണസംഖ്യ 2197 ആയി ഉയര്‍ന്നു.