മുംബൈ: പ്രമുഖ വ്യവസായി രത്തന്‍ ടാറ്റയുടെ കാറിന്റെ നമ്പര്‍ ഉപയോഗിച്ച് വ്യാജ നമ്പര്‍പ്ലേറ്റ് നിര്‍മ്മിച്ച യുവതി അറസ്റ്റില്‍. തന്റെ ബിഎംഡബ്ല്യൂ കാറിനാണ് രത്തന്‍ ടാറ്റയുടെ കാറിന്റെ നമ്പര്‍ യുവതി നല്‍കിയത്. സംഖ്യശാസ്ത്രം അനുസരിച്ച് നല്ല നമ്പര്‍ ആണ് എന്ന് കണ്ടാണ് യുവതി വ്യാജ നമ്പര്‍പ്ലേറ്റ് നിര്‍മ്മിച്ചത്.
മുംബൈയിലാണ് സംഭവം. ആഡംബര കാര്‍ ഓടിക്കുന്നതിനിടെ, യുവതി വരുത്തിയ ഒന്നിലധികം നിയമലംഘനങ്ങള്‍ക്ക് നോട്ടീസ് ലഭിച്ചത് രത്തന്‍ ടാറ്റയ്ക്കാണ്. മുംബൈ പൊലീസ് യുവതിയുടെ കാര്‍ പിടിച്ചെടുത്തു. വഞ്ചന, വ്യാജ രേഖ സൃഷ്ടിക്കല്‍ എന്നി വകുപ്പുകള്‍ അനുസരിച്ച് യുവതിക്കെതിരെ കേസെടുത്തതായി മുംബൈ പൊലീസ് അറിയിച്ചു.
നരേന്ദ്ര ഫോര്‍വേര്‍ഡ്‌സ് പ്രൈവറ്റ് ലിമിറ്റഡിനാണ് കാറിന്റെ ഉടമസ്ഥത. സംഖ്യശാസ്ത്രം അനുസരിച്ചാണ് നമ്പര്‍ നല്‍കിയത്. ഇത് രത്തന്‍ ടാറ്റയുടെ നമ്പറാണ് എന്ന് അറിയില്ലായിരുന്നുവെന്നാണ് യുവതി നല്‍കിയ മൊഴി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ