ലക്‌നൗ: ഉത്തര്‍പ്രദേശില്‍ 17കാരിക്ക് നേരെ ലൈംഗികാതിക്രമം നടത്തിയ കേസില്‍ സ്വകാര്യ സ്‌കൂള്‍ പ്രിന്‍സിപ്പല്‍ അറസ്റ്റില്‍. തനിക്ക് നേരെ ഉണ്ടായ ദുരനുഭവം 17കാരി മാതാപിതാക്കളോട് വെളിപ്പെടുത്തിയതോടെയാണ് വിവരം പുറംലോകം അറിഞ്ഞത്.
അമേഠിയിലാണ് സംഭവം. പതിനൊന്നാം ക്ലാസ് വിദ്യാര്‍ഥിനിയാണ് പ്രിന്‍സിപ്പലിന്റെ ലൈംഗികാതിക്രമം നേരിട്ടതെന്ന് പൊലീസ് പറയുന്നു. അപേക്ഷാഫോം പൂരിപ്പിക്കാന്‍ എന്ന വ്യാജേന 17കാരിയെ അവധി ദിവസം പ്രിന്‍സിപ്പല്‍ സ്‌കൂളിലേക്ക് വിളിച്ചുവരുത്തുകയായിരുന്നു. തുടര്‍ന്നാണ് ലൈംഗികാതിക്രമം നടന്നതെന്ന് പൊലീസ് പറയുന്നു.
വീട്ടിലെത്തിയ പെണ്‍കുട്ടി നടന്ന സംഭവം വീട്ടുകാരോട് തുറന്നുപറയുകയായിരുന്നു. മാതാപിതാക്കളുടെ പരാതിയില്‍ പോക്‌സോ അടക്കം വിവിധ വകുപ്പുകള്‍ ചുമത്തിയാണ് പ്രിന്‍സിപ്പലിനെ അറസ്റ്റ് ചെയ്തതെന്നും പൊലീസ് പറയുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ