ജോധ്പൂര്‍: മദ്യം വാങ്ങാന്‍ പണം നല്‍കാഞ്ഞതിന് വൃദ്ധനായ അച്ഛനെ തല്ലി മകന്‍. വിഡിയോ വൈറലായതിന് പിന്നാലെ മകന്‍ അറസ്റ്റിലായി. ജോധ്പൂരിലെ ഒരു കോളണിയില്‍ ഉണ്ടായ സംഭവം സിസിടിവിയില്‍ പതിഞ്ഞതോടെയാണ് പുറത്തറിഞ്ഞത്.
രാജേന്ദ്ര ഗൗര്‍ കജ്രി എന്നയാളെയാണ് ഇളയമകന്‍ ക്രൂരമായി മര്‍ദ്ദിച്ചത്. വീടിന് പുറത്തുവച്ചാണ് അച്ഛനെ മകന്‍ തല്ലിയത്. മകന്‍ പുറത്തിരുന്ന സാധനങ്ങള്‍ വലിച്ചെറിയുന്നതും വിഡിയോയില്‍ കാണാം. മകന്‍ മര്‍ദ്ദിക്കുമ്പോള്‍ അച്ഛന്‍ സ്വയം പ്രതിരോധിക്കുന്നുണ്ട്. രാജേന്ദ്ര ഗൗര്‍ തല്ലരുതെന്ന് അപേക്ഷിക്കുന്നുണ്ടെങ്കിലും മകന്‍ വകവച്ചില്ല.സിആർപിസി സെക്ഷൻ 151 പ്രകാരമാണ് അറസ്റ്റ്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ