ന്യൂഡല്‍ഹി: ഡല്‍ഹി - പറ്റ്ന വിമാനത്തില്‍ മദ്യം കൊണ്ടുവന്ന് കഴിച്ച രണ്ടുപേരെ പൊലീസ് അറസ്റ്റ് ചെയ്തു. ഡല്‍ഹി- പറ്റ്ന ഇന്‍ഡിഗോ E6383 വിമാനത്തിലാണ്. സംഭവത്തില്‍ രണ്ടുപേരെ അറസ്റ്റ് ചെയ്തതായി എയര്‍പോര്‍ട്ട് എസ്എച്ച്ഒ റോബര്‍ട്ട് പീറ്റര്‍ പറഞ്ഞു. ഇവരെ ഉടനെ കോടതിയില്‍ ഹാജരാക്കും.
ഇന്നലെ രാത്രി 8.45 ഓടെയാണ് സംഭവം. മദ്യപിച്ചവര്‍ വിമാനത്തിനകത്ത് പ്രശ്‌നങ്ങള്‍ ഉണ്ടാക്കാന്‍ തുടങ്ങിയതോടെ എയര്‍ഹോഴ്‌സ്റ്റസ് ഇടപെട്ടു. എന്നാല്‍ ഇവര്‍ എയര്‍ ഹോഴ്‌സ്റ്റസിനോടും മോശമായി പെരുമാറി. വിമാനം പറ്റ്‌നയില്‍ ലാന്‍ഡ് ചെയ്തതോടെ ഇവരെ പൊലീസിന് കൈമാറി. രോഹിത് കുമാര്‍, പിന്റുകുമാര്‍, എന്നിവരാണ് വിമാത്തില്‍ പ്രശ്‌നങ്ങളുണ്ടാക്കിയതെന്ന് പൊലീസ് പറഞ്ഞു.
മോശമായി പെരുമാറുന്ന യാത്രക്കാരെ നിയന്ത്രിക്കാന്‍ വിമാനക്കമ്പനികള്‍ക്ക് കഴിഞ്ഞ ദിവസം ഡിജിസിഎ മാര്‍ഗനിര്‍ദേശം നല്‍കിയിരുന്നു.
യാത്രക്കാര്‍ മോശമായി പെരുമാറുന്നതും സംഘര്‍ഷങ്ങളും കൂടിയതോടെയാണു കടുത്ത നിയന്ത്രണങ്ങള്‍ ഏര്‍പ്പെടുത്തണമെന്നു വിമാനക്കമ്പനികള്‍ക്കു ഡിജിസിഎ മുന്നറിയിപ്പ് നല്‍കിയത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ