ന്യൂഡല്‍ഹി: ഡല്‍ഹി മെട്രോയില്‍ മദ്യവുമായി യാത്രചെയ്യുന്നതിന് അനുമതി. യാത്രക്കാര്‍ക്ക് രണ്ടു തുറക്കാത്ത മദ്യക്കുപ്പികളാണ് മെട്രോയില്‍ കൊണ്ടുപോവാനാവുക. ഇതിനു ചട്ടം ഭേദഗതി ചെയ്തതായി അധികൃതര്‍ അറിയിച്ചു.
എയര്‍പോര്‍ട്ട് എക്‌സ്പ്രസ് ലൈന്‍ ഒഴികെയുള്ള എല്ലാ മെട്രോ ലൈനിലും മദ്യം കൊണ്ടുപോവാന്‍ നിലവില്‍ വിലക്കുണ്ട്. ഡിഎംആര്‍സിയുടെയും സുരക്ഷാ ചുമതലയുള്ള സിഐഎസ്എഫിന്റെയും ഉന്നത ഉദ്യോഗസ്ഥര്‍ അടങ്ങിയ സമിതി യോഗം ചേര്‍ന്ന് ഈ വിലക്കു നീക്കാന്‍ തീരുമാനിക്കുകയായിരുന്നു.
രണ്ടു കുപ്പി തുറക്കാത്ത മദ്യമാണ് മെട്രോയില്‍ കൊണ്ടുപോവാന്‍ അനുവദിക്കുക. മെട്രോ ട്രെയിനിലോ പരിസരത്തോ മദ്യപാനത്തിനുള്ള വിലക്ക് തുടരുമെന്നും അറിയിപ്പില്‍ പറയുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ