തിരുവനന്തപുരം: ഉദ്യോഗാര്‍ത്ഥികളുടെ എംപ്ലോയീസ് പ്രൊവിഡന്റ് ഫണ്ട് (ഇപിഎഫ്) പിന്‍വലിക്കാനുള്ള അപേക്ഷകള്‍ ഇനി ഓണ്‍ലൈനിലൂടെ മാത്രമേ സ്വീകരിക്കൂ. തുക പൂര്‍ണമായി പിന്‍വലിക്കുന്നതിനുള്ള ഫോം 19, ഭാഗികമായി പിന്‍വലിക്കുന്നതിനുള്ള ഫോം 31, പെന്‍ഷന്‍ ഫണ്ട് തുക പിന്‍വലിക്കുന്നതിനുള്ള ഫോം 10സി എന്നിവയ്ക്ക്  ഓണ്‍ലൈന്‍ അപേക്ഷ നിര്‍ബന്ധമാക്കി. 

പേപ്പറിലുള്ള അപേക്ഷകള്‍ ഇനി റീജനല്‍ ഓഫിസില്‍ സ്വീകരിക്കില്ല. പരിധിയില്‍ വരുന്ന എല്ലാ തൊഴിലുടമകളും തൊഴിലാളികളുടെ കെവൈസി വിവരങ്ങള്‍ (ആധാര്‍, ബാങ്ക് അക്കൗണ്ട് നമ്പര്‍) ഡിജിറ്റല്‍ സിഗ്‌നേച്ചര്‍ സര്‍ട്ടിഫിക്കറ്റ് മുഖേന 31നു മുന്‍പായി എംപ്ലോയര്‍ പോര്‍ട്ടലില്‍ സമര്‍പ്പിക്കണം.