ന്യൂഡല്‍ഹി: രാജ്യാന്തര വനിതാ ദിനത്തില്‍ ആഭ്യന്തര, അന്താരാഷ്ട്ര വിമാന സര്‍വീസുകളുടെ നിയന്ത്രണം വനിതകള്‍ മാത്രമടങ്ങുന്ന ക്രൂവിനെ ഏല്‍പ്പിച്ച് എയര്‍ ഇന്ത്യ. പൂര്‍ണമായും സ്ത്രീകള്‍ മാത്രം ഓപറേറ്റ് ചെയ്യുന്ന 40 ആഭ്യന്തര സര്‍വീസുകളും 12 അന്താരാഷ്ട്ര സര്‍വീസുകളുമാണ് എയര്‍ ഇന്ത്യ പ്രഖ്യാപിച്ചിട്ടുള്ളത്.

നിരവധി വനിതകള്‍ എയര്‍ ഇന്ത്യയുടെ ക്രൂവിന്റെ ഭാഗമായി പ്രവര്‍ത്തിക്കുന്നുണ്ടെന്നും ഇന്ന് വനിതാ ജീവനക്കാരുടെ ചിറകിലേറി 12 അന്താരാഷ്ട്ര സര്‍വീസുകളും 40 ആഭ്യന്തര സര്‍വീസുകളും നടത്താന്‍ തയ്യാറായിക്കഴിഞ്ഞെന്നും എയര്‍ ഇന്ത്യ ചെയര്‍മാനും എംഡിയുമായ അശ്വിനി ലൊഹാനി പറഞ്ഞു. ബി787 ഡ്രീം ലൈനര്‍ വിമാനങ്ങളും ബി777വിമാനങ്ങളുമാണ് അന്താരാഷ്ട്ര യാത്രകളില്‍ വനിതകളുടെ നിയന്ത്രണത്തില്‍ സര്‍വീസ് നടത്തുക.