യുദ്ധഭൂമിയായ അഫ്​ഗാനിസ്ഥാനിൽ നിന്നുള്ള പല കാഴ്ചകളും നമ്മളെ കണ്ണീരിലാഴ്ത്താറുണ്ട്. എന്നാൽ നൊമ്പരത്തിനൊപ്പം സന്തോഷവും നൽകുന്ന ഒരു ചെറിയ വീഡിയോയാണ് അഫ്​ഗാനിസ്ഥാനിൽ നിന്നും ഇപ്പോൾ സമൂഹമാധ്യമങ്ങളിൽ വൈറലാകുന്നത്. കുടുംബത്തെ സഹായിക്കാൻ റോഡരികിൽ പേനകൾ വിൽക്കുന്ന ഒരു കൊച്ചു മിടുക്കിയാണ് വീഡിയോയിലെ താരം. സൈനബ് എന്നാണ് അവളുടെ പേര്. 

തിരക്ക് പിടിച്ച റോഡിൽ പേനകളുമായി ഒരു കാറിന്റെ അരികിലേക്ക് ഓടിയെത്തിയ സൈനബിനോട് ഒരു പേനയ്ക്ക് എത്രയാണ് വിലയെന്ന് കാറിലിരുന്ന യുവതി ചോദിച്ചു. 20 സെന്റ് എന്ന് അവൾ മറുപടി പറഞ്ഞു. 'ഇതു മുഴുവൻ ഞാൻ വാങ്ങിയാൽ നിനക്ക് സന്തോഷമാകുമോ?' എന്ന് അവർ ചോദിച്ചപ്പോൾ 'അതേ' എന്ന് പുഞ്ചിരിച്ചുകൊണ്ട് അവൾ മറുപടി പറഞ്ഞു. കൈ നിറയെ പണം നൽകിയ അവരോട് സൈനബ് നിങ്ങൾ എനിക്ക് ഒരുപാട് പണം നൽകിയെന്ന് പറഞ്ഞ് പുഞ്ചിരിച്ച് റോഡ് മറികടന്ന് ഓടിപ്പോയി. 

നഹീറ സിയാറ എന്ന അഭിഭാഷകയാണ് ട്വിറ്ററിൽ ഈ വീഡിയോ പങ്കുവെച്ചത്. ഇതിനോടകം ആറ് ലക്ഷത്തിലധികം ആളുകളാണ് ട്വിറ്ററിൽ ഈ വീഡിയോ കണ്ടത്. 8000 ലധികം കമന്റുകളും വീഡിയോക്ക് ലഭിച്ചു. മഹനാസ് സഫി എന്ന ഇൻസ്റ്റഗ്രാം പേജിലാണ് വീഡിയോ ആദ്യമായി പ്രത്യക്ഷപ്പെട്ടതെന്നാണ് ട്വറ്ററിലെ കമന്റുകളിൽ പറയുന്നത്. പെൺകുട്ടിയെ പ്രകീർത്തിച്ച് ഒട്ടേറെയാളുകളാണ് കമന്റുകളുമായെത്തിയത്.

ഈ വാര്‍ത്ത കൂടി വായിക്കൂ 

രണ്ടുമുറി ഫ്ളാറ്റിൽ ജീവിതം, മൊബൈൽ ഫോൺ പോലുമില്ല; ഇതാണ് രത്തൻ ടാറ്റയുടെ സഹോദരൻ ജിമ്മി ടാറ്റ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ