കോവിഡിനെ പ്രതിരോധിക്കുന്നതിലേക്ക് രാജ്യം എല്ലാ ശ്രദ്ധയും നല്‍കി നില്‍ക്കുമ്പോഴാണ് വിശാഖപട്ടണത്ത് നിന്നും ദുരന്ത വാര്‍ത്തയെത്തുന്നത്. ഈ സമയം മറ്റൊരു ദുരന്തം കൂടി അഭിമുഖീകരിക്കേണ്ടി വന്നതിന്റെ ഞെട്ടലിലാണ് രാജ്യം. വിഷ പുക ശ്വസിച്ച് ജീവന്‍ നഷ്ടമായവരുടേയും, വഴിയരികില്‍ വീണ് കിടക്കുന്നവരുടേയും ദൃശ്യങ്ങള്‍ രാജ്യത്തിന്റെ നെഞ്ചുലക്കുമ്പോള്‍ ആശങ്ക പങ്കുവെച്ച് കായിക താരങ്ങളും...
ഇന്ത്യന്‍ നായകന്‍ വിരാട് കോഹ് ലിയും യുവരാജ് സിങ്ങും അശ്വിനും, ഫീല്‍ഡിങ് കോച്ച് ആര്‍ ശ്രീധറുമെല്ലാം ഞെട്ടലും ദുഃഖവും പങ്കുവെച്ച് സമൂഹമാധ്യമങ്ങളിലെത്തുന്നു. വിഷവാതക ദുരന്തമോ? ഇപ്പോഴോ? ദൃശ്യങ്ങള്‍ അസ്വസ്ഥപ്പെടുത്തുന്നു., ദൈവമേ, കരുണ കാണിക്കൂ എന്നാണ് അശ്വിന്‍ ട്വിറ്ററില്‍ കുറിച്ചത്.
കരുത്തോടേയും കരുതലോടേയുമിരിക്കൂ വിശാഖപട്ടണം എന്ന് യുവി പറയുന്നു. ദുരന്തത്തില്‍ ജീവന്‍ നഷ്ടപ്പെട്ട ഓരോരുത്തര്‍ക്കുമൊപ്പമാണ് എന്റെ മനസെന്ന് ഇന്ത്യന്‍ നായകന്‍ കോഹ് ലി പറഞ്ഞു. എന്റെ പ്രിയപ്പെട്ട നഗരത്തിലെ എല്ലാവരുടേയും സുരക്ഷക്കായി പ്രാര്‍ഥിക്കുന്നതായി ആര്‍ ശ്രീധര്‍ പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ