മുംബൈ ഇന്ത്യന്‍സ ടീമിനെ കുടുംബമെന്ന് വിശേഷിപ്പിച്ച് രോഹിത് ശര്‍മ്മ. ടീമിനായി 150-ാം ടി20 മത്സരം പൂര്‍ത്തിയാക്കിയ ശേഷമായിരുന്നു താരത്തിന്റെ പ്രതികരണം. ടീമിനൊപ്പമുള്ള യാത്രയില്‍ പിന്തുണയായി ഒപ്പമുണ്ടായിരിന്നവര്‍ക്ക് താരം നന്ദി പറയുകയും ചെയ്തു.
ഇന്നലെ ഡല്‍ഹി ക്യാപിറ്റല്‍സിനെതിരെ നടന്ന മത്സരം മുംബൈ ജേഴ്‌സിയില്‍ രോഹിത് ഇറങ്ങിയ 150-ാം ടി20 ആയിരുന്നു. കളിയില്‍ ഡല്‍ഹിയെ തകര്‍ത്ത് മുംബൈ വിജയികളായി. ഇതോടൊപ്പം ടീം റാങ്കിങ്ങില്‍ മുംബൈ ഒന്നാമതെത്തുകയും ചെയ്തു. ഏഴ് മത്സരങ്ങളില്‍ നിന്നായി 10 പേയിന്റാണ് ടീം നേടിയിരിക്കുന്നത്.
'ഈ ജേഴ്‌സിയില്‍ ടീമിനെ 150 തവണ പ്രതിനിധീകരിക്കാന്‍ കഴിഞ്ഞതില്‍ സന്തോഷം. ഇത് എന്റെ കുടുംബമാണ്. എപ്പോഴും അങ്ങനെയായിരിക്കും. എന്റെ ഈ യാത്രയില്‍ ഒപ്പമുണ്ടായിരുന്ന എല്ലാവരെയും വിലമതിക്കുന്നു' രോഹിത് ട്വീറ്റ് ചെയ്തു.
Loved representing this jersey for the 150th time. This is and always will be my home. Appreciate everyone who has helped me through this journey
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ