പന്ത് സ്റ്റംപില്‍ കൊണ്ടാലും ബെയില്‍സ് താഴെ വീണില്ലെങ്കില്‍ ബാറ്റ്‌സ്മാന്‍ ഔട്ട് അല്ലെന്നാണ് നിയമം. എന്നാല്‍ ബെയില്‍സ് താഴെ വീണിട്ടും ബാറ്റര്‍ കളി തുടരുന്നതോ? അങ്ങനെയൊരു സംഭവത്തിന്റെ വീഡിയോയാണ് ഇപ്പോള്‍ സമൂഹമാധ്യമങ്ങളില്‍ വൈറലാവുന്നത്.
ടാസ്മാനിയ ടൈഗേഴ്‌സും ക്യൂന്‍സ് ലാന്‍ഡും തമ്മിലുള്ള വനിതാ ക്രിക്കറ്റിലാണ് സംഭവം. ഇവിടെ ബെയില്‍സ് താഴെ വീണെങ്കിലും ഫീല്‍ഡിങ് ടീം അത് ശ്രദ്ധിച്ചില്ല. ഫീല്‍ഡിങ് ടീം അപ്പീല്‍ ചെയ്യാതിരുന്നതോടെ താരം ബാറ്റിങ് തുടര്‍ന്നു.
ക്രിക്കറ്റ് നിയമത്തിലെ 31.1 പ്രകാരം ഫീല്‍ഡിങ് ടീം അപ്പീല്‍ ചെയ്യാതെ ഔട്ട് വിധിക്കാന്‍ അമ്പയര്‍ക്കാവില്ല. എങ്കിലും ബാറ്ററെ ക്ലീന്‍ ബൗള്‍ഡ് ആക്കിയിട്ടും ഇത് ശ്രദ്ധിക്കാതിരുന്ന ഫീല്‍ഡിങ് ടീമിന്റെ മനോഭാവം കണ്ട് അത്ഭുതപ്പെടുകയാണ് ആരാധകര്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ