പനാജി: ഐഎസ്എല്ലിൽ ഇന്ന് നടന്ന ആദ്യ മത്സരത്തിൽ ഗോവയ്ക്ക് തകർപ്പൻ ജയം. കരുത്തരായ ബംഗളൂരുവിനെ ഒന്നിനെതിരെ രണ്ട് ഗോളുകൾക്ക് തകർത്ത് ഗോവ പ്ലേ ഓഫ് പ്രതീക്ഷകൾ സജീവമാക്കി. നിർണായക പോരാട്ടത്തിലാണ് ഗോവ വിജയം സ്വന്തമാക്കിയത്.
ഇരു ടീമുകളും നേടിയ മൂന്ന് ഗോളുകളും ആദ്യ പകുതിയിൽ തന്നെയായിരുന്നു. പന്തടക്കത്തിലും പാസിങിലും ബംഗളൂരുവിനെ ബഹുദൂരം പിന്നിലാക്കിയായിരുന്നു ഗോവയുടെ മുന്നേറ്റം. മൂന്ന് മിനിറ്റിനിടെ രണ്ട് ഗോളുകൾ നേടി മുൻതൂക്കം സ്വന്തമാക്കിയ ഗോവ വിജയം കൈവിടാതെ കാത്തു.
20ാം മിനിറ്റിൽ ഇഗോൾ അംഗുലോയും 23ാം മിനിറ്റിൽ ഫെഡീമുമാണ് ഗോവയ്ക്കായി സ്‌കോർ ചെയ്തത്. ബംഗളൂരുവിനായി 33ാം മിനിറ്റിൽ സുരേഷ് സിങ് വാങ്ജം സ്‌കോർ ചെയ്തു.
ജയത്തോടെ 19 മത്സരങ്ങളിൽ നിന്ന് 30 പോയിന്റുമായി ഗോവ മൂന്നാം സ്ഥാനത്തേക്കുയർന്നു. ബംഗളൂരു ഏഴാം സ്ഥാനത്ത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ