ദോഹ: ഖത്തര്‍ ലോകകപ്പിന്റെ സമ്മാന തുക പ്രഖ്യാപിച്ചു. ലോക കിരീടത്തില്‍ മുത്തമിടുന്ന ടീമിനെ കാത്തിരിക്കുന്നത് 319 കോടി രൂപ. ലോകകപ്പിന് യോഗ്യത നേടിയ ഓരോ ടീമിനും 11 കോടിയോളം രൂപ ലഭിക്കും. 

രണ്ടാം സ്ഥാനക്കാരാവുന്ന ടീമിനെ കാത്തിരിക്കുന്നത് 227 കോടി രൂപയാണ്. മൂന്നാം സ്ഥാനക്കാര്‍ക്ക് സമ്മാനം 205 കോടി രൂപയും. 189 കോടി രൂപയാണ് നാലാം സ്ഥാനത്ത് എത്തുന്ന ടീമിന് ലഭിക്കുന്നത്. അഞ്ച് മുതല്‍ എട്ട് വരെ സ്ഥാനത്ത് എത്തുന്ന ടീമുകള്‍ക്ക് 129 കോടി രൂപ വീതം ലഭിക്കും. 

ഗ്രൂപ്പ് ഘട്ടം കടക്കാനാവാതെ പോകുന്ന ടീമുകള്‍ക്ക് 68 കോടി രൂപയോളം

9 മുതല്‍ 16 വരെ സ്ഥാനങ്ങളില്‍ എത്തുന്ന ടീമുകള്‍ക്ക് 98 കോടി രൂപ വീതമാണ് ലഭിക്കുക. ഗ്രൂപ്പ് ഘട്ടം കടക്കാനാവാതെ പോവുന്ന ടീമുകള്‍ക്കും സമ്മാന തുക ലഭിക്കും. അവസാന 16ലേക്ക് എത്താന്‍ കഴിയാതെ പോകുന്ന ടീമുകള്‍ക്ക് 68 കോടി രൂപയോളം ലഭിക്കും. 

ഖത്തര്‍ ലോകകപ്പിലൂടെ അയ്യായിരം കോടി രൂപയോളമാണ് ഖത്തര്‍ ലോകകപ്പിലൂടെ ഫിഫ വരുമാനമായി ലക്ഷ്യമിടുന്നത്. ഖത്തര്‍ ലോകകപ്പിന്റെ ഷെഡ്യൂളും പുറത്തു വന്ന് കഴിഞ്ഞു. നാല് വീതം ടീമുകളുമായി 8 ഗ്രൂപ്പുകളാണ് ഉണ്ടാവുക. ഇതില്‍ ഗ്രൂപ്പ് ഇയാണ് ഏറ്റവും കടുപ്പമേറിയതായി വിലയിരുത്തപ്പെടുന്നത്. സ്‌പെയ്‌നും ജര്‍മനിയും ഗ്രൂപ്പ് ഇയില്‍ വരുന്നു. നവംബര്‍ 21നാണ് ഉദ്ഘാടന മത്സരം. ഇവിടെ ആതിഥേയരായ ഖത്തറും യുറുഗ്വേയും ഏറ്റുമുട്ടും.

കൂടുതല്‍ വായനയ്ക്ക്‌;  12 വര്‍ഷത്തിന് ശേഷം സുവരസിനോട് കണക്ക് ചോദിക്കാന്‍ ഘാന; വമ്പനാരെന്ന് ഉറപ്പിക്കാന്‍ മെസിയും ലെവന്‍ഡോസ്‌കിയും; ഖത്തറിലെ തീപാറും പോരുകള്‍