കായികം

ഡിക്ലയർ ചെയ്യാനുള്ള തീരുമാനം വഴിത്തിവ്; ഝാർഖണ്ഡിനെ തകർത്ത് ര‍ഞ്ജിയിൽ വിജയത്തുടക്കമിട്ട് കേരളം

സമകാലിക മലയാളം ഡെസ്ക്

റാഞ്ചി: രഞ്ജി ട്രോഫിയിലെ ആദ്യ പോരിൽ തന്നെ തകർപ്പൻ ജയം സ്വന്തമാക്കി സീസണിന് ഉജ്ജ്വല തുടക്കമിട്ട് കേരളം. ഝാർഖണ്ഡിനെ തകർത്താണ് കേരളം വിജയം സ്വന്തമാക്കിയത്. 85 റൺസിനാണ് കേരളത്തിന്റെ ജയം. 323 റൺസ് വിജയ ലക്ഷ്യവുമായി രണ്ടാം ഇന്നിങ്സിൽ ബാറ്റിങ്ങിനിറങ്ങിയ ഝാർഖണ്ഡ് 61.2 ഓവറിൽ 237 റൺസിൽ പുറത്തായി. 

112 റൺസെടുക്കുന്നതിനിടെ ഏഴ് വിക്കറ്റുകൾ നഷ്ടമായ ഝാർഖണ്ഡ് വിക്കറ്റ് കീപ്പർ ബാറ്റർ കുമാർ കുശാഗ്രയുടെ അർധ സെഞ്ച്വറി കരുത്തിൽ പൊരുതിനോക്കിയെങ്കിലും ലക്ഷ്യം കണ്ടില്ല. 116 പന്തുകൾ നേരിട്ട താരം 92 റൺസെടുത്തു. വിരാട് സിങ് (84 പന്തിൽ 32), സൗരഭ് തിവാരി (42 പന്തിൽ 37), മനിഷി (70 പന്തിൽ 23), ഇഷാൻ കിഷൻ (17 പന്തിൽ 22) എന്നിവരാണ് രണ്ടാം ഇന്നിങ്സിൽ ഝാർഖണ്ഡിന്റെ മറ്റു പ്രധാന സ്കോറര്‍മാർ. 

കേരളത്തിനായി വൈശാഖ് ചന്ദ്രൻ അഞ്ച് വിക്കറ്റു വീഴ്ത്തി. 17 ഓവറുകളെറിഞ്ഞ വൈശാഖ് 57 റൺസ് വഴങ്ങി. ഓൾ റൗണ്ടർ ജലജ് സക്സേന നാല് വിക്കറ്റു നേടി.

രണ്ടാം ഇന്നിങ്സിൽ ഏഴ് വിക്കറ്റ് നഷ്ടത്തിൽ 187 റൺസെടുത്ത കേരളം ഡിക്ലയര്‍ ചെയ്യുകയായിരുന്നു. ഡിക്ലയർ ചെയ്യാനുള്ള ക്യാപ്റ്റൻ സഞ്ജു സാംസണിന്റെ ധീരമായ തീരുമാനം കളിയിൽ നിർണായകമായി. 86 പന്തുകളിൽ നിന്ന് 74 റൺസെടുത്ത രോഹൻ പ്രേമാണ് കേരളത്തിന്റെ ടോപ് സ്കോറർ. സഞ്ജു സാംസണ്‍ ഒൻപത് പന്തിൽ 15 റൺസെടുത്തു പുറത്തായി. ഝാർഖണ്ഡിനു വേണ്ടി ഷഹബാസ് നദീം അഞ്ച് വിക്കറ്റുകൾ‌ വീഴ്ത്തി.

ഒന്നാം ഇന്നിങ്സിൽ കേരളം 475 റൺസ് നേടിയപ്പോൾ ഝാർഖണ്ഡ് 340 റൺസിൽ ഓൾഔട്ടായി. കേരളം 135 റൺസിന്റെ ലീഡ് സ്വന്തമാക്കി.  ആദ്യ ഇന്നിങ്സിൽ അക്ഷയ് ചന്ദ്രൻ കേരളത്തിനായി സെഞ്ച്വറി തികച്ചു. 268 പന്തുകളിൽ നിന്ന് 150 റൺസാണു താരം നേടിയത്. ജലജ് സക്സേന അഞ്ചും ബേസിൽ തമ്പി മൂന്നും വിക്കറ്റെടുത്തു.

ഈ വാര്‍ത്ത കൂടി വായിക്കൂ 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

സ്വതന്ത്ര എംഎല്‍എമാര്‍ പിന്തുണ പിന്‍വലിച്ചു; ഹരിയാനയിൽ ബിജെപി സർക്കാർ തുലാസിൽ

കുന്നംകുളത്ത് ബസും ബൈക്കും കൂടിയിടിച്ചു; യുവാവിന് ദാരുണാന്ത്യം

ട്രെയിനിൽ നിന്നു വീണ് യാത്രക്കാരന് ദാരുണാന്ത്യം, ആളെ തിരിച്ചറിഞ്ഞിട്ടില്ല

റഷ്യന്‍ മനുഷ്യക്കടത്ത്; രണ്ട് പേര്‍ അറസ്റ്റില്‍, പിടിയിലായത് മുഖ്യഇടനിലക്കാർ

വോട്ട് ചെയ്യാൻ എത്തി; ഇവിഎമ്മിനു മുന്നിൽ ആരതി; മഹാരാഷ്ട്ര വനിതാ കമ്മീഷന്‍ അധ്യക്ഷക്കെതിരെ കേസ്