പാരിസ്: പ്രതിരോധനിര താരങ്ങളെ നിഷ്പ്രഭമാക്കി മെസി പന്തുമായി കുതിക്കുന്നത് ഫുട്‌ബോള്‍ ലോകത്തെ പതിവ് കാഴ്ചയാണ്. എന്നാലിപ്പോള്‍ കുട്ടി മെസിയും ആരാധകരുടെ മനം കവരുന്നു. മെസിയുടെ രണ്ടാമത്തെ മകന്‍ മറ്റിയോ മെസി നേടിയ ഗോള്‍ വീഡിയോയാണ് സമൂഹമാധ്യമങ്ങളില്‍ ഇപ്പോള്‍ വൈറലാവുന്നത്.
പിഎസ്ജി അക്കാദമിയിലാണ് തിയാഗോയും മറ്റിയോയും പരിശീലനം നടത്തുന്നത്. ഇവിടെ മറ്റിയോ നേടിയ ഗോളാണ് ഫുട്‌ബോള്‍ ലോകത്ത് ചര്‍ച്ചയാവുന്നത്. എതിര്‍താരങ്ങളെ വെട്ടിച്ചും ഡ്രിബിള്‍ ചെയ്തും ഇടം കാലുകൊണ്ട് ഗോള്‍ വലയിലേക്ക് പന്തിടുകയാണ് മറ്റിയോ.
ഗോള്‍ നേടിയതിന് ശേഷമുള്ള ആഘോഷവും മെസിയുടേത് പോലെ തന്നെ. ഇരുകൈകളും നീട്ടിയോടിയാണ് ആറ് വയസുകാരനായ മാറ്റിയോയുടെ ഗോള്‍ ആഘോഷം.
ഈ വാര്‍ത്ത കൂടി വായിക്കാം
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ