ഡല്‍ഹി: ഇന്ത്യക്കെതിരെ മൂന്നാം ഏകദിനം ജയിച്ച് പരമ്പര നേടുക എന്നതിനൊപ്പം മറ്റൊരു ലക്ഷ്യം കൂടി മുന്‍പില്‍ വെച്ച് സൗത്ത് ആഫ്രിക്ക. 2023ലെ ഏകദിന ലോകകപ്പിലേക്ക് യോഗ്യത നേടാന്‍ വിലപ്പെട്ട സൂപ്പര്‍ ലീഗ് പോയിന്റുകള്‍ സ്വന്തമാക്കുകയാണ് സൗത്ത് ആഫ്രിക്കയുടെ ലക്ഷ്യം. 

നിലവില്‍ ഏകദിന സൂപ്പര്‍ ലീഗ് പോയിന്റില്‍ 11ാം സ്ഥാനത്താണ് സൗത്ത് ആഫ്രിക്ക. സൂപ്പര്‍ ലീഗ് പോയിന്റ് പട്ടികയില്‍ ടോപ് എട്ടില്‍ വരുന്ന ടീമുകളാണ് 2023ലെ ഏകദിന ലോകകപ്പിലേക്ക് നേരിട്ട് യോഗ്യത നേടുക. മറ്റ് ടീമുകള്‍ ലോകകപ്പ് യോഗ്യതാ മത്സരങ്ങള്‍ കളിക്കണം. 

പരമ്പര ജയിച്ചാല്‍ സൂപ്പര്‍ ലീഗ് പോയിന്റ് പട്ടികയില്‍ 9ാം സ്ഥാനത്തേക്ക്

ഇന്ത്യക്കെതിരായ ഏകദിന പരമ്പര ജയിച്ചാല്‍ സൗത്ത് ആഫ്രിക്ക സൂപ്പര്‍ ലീഗ് പോയിന്റ് പട്ടികയില്‍ 9ാം റാങ്കിലേക്ക് എത്തും. ട്വന്റി20 ലോകകപ്പ് വരുന്നതോടെ ഏകദിന മത്സരങ്ങള്‍ക്ക് ഇടവേളയാവും. ഇന്ത്യക്കെതിരായ ഡല്‍ഹി ഏകദിനം ജയിച്ച് പത്ത് പോയിന്റ് സ്വന്തമാക്കി ലോകകപ്പിലേക്ക് നേരിട്ട് യോഗ്യത നേടാനുള്ള സാധ്യത സജീവമാക്കുകയാണ് സൗത്ത് ആഫ്രിക്കയുടെ ലക്ഷ്യം. 

ഇന്ത്യക്കെതിരായ ആദ്യ ഏകദിനത്തില്‍ സഞ്ജു മുന്‍പില്‍ വെച്ച ഭീഷണിയും അതിജീവിച്ചാണ് സൗത്ത് ആഫ്രിക്ക ജയം പിടിച്ചത്. എന്നാല്‍ രണ്ടാം ഏകദിനത്തില്‍ ശ്രേയസും ഇഷാന്‍ കിഷനും തകര്‍ത്തടിച്ചതോടെ സൗത്ത് ആഫ്രിക്കയ്ക്ക് ഇന്ത്യയെ പിടിച്ചുകെട്ടാന്‍ കഴിഞ്ഞില്ല. മൂന്നാം ഏകദിനത്തില്‍ ജയിച്ച് പരമ്പര പിടിക്കാന്‍ ഇരു ടീമുകളും ലക്ഷ്യമിടുമ്പോള്‍ മഴയുടെ ഭീഷണിയും മുന്‍പിലുണ്ട്.

ഈ വാര്‍ത്ത കൂടി വായിക്കൂ 

'കണ്ടത് കൊടും ചതി, എന്നിട്ടും കളിയുടെ സ്പിരിറ്റിനെ പറ്റി വാതോരാതെ കാപട്യം പറയുന്നു'

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ