ന്യൂഡല്‍ഹി: അന്താരാഷ്ട്ര ബാഡ്മിന്റണ്‍ റാങ്കിങ്ങില്‍ ഇന്ത്യന്‍ താരങ്ങള്‍ക്ക് മുന്നേറ്റം. പുരുഷ സിംഗിള്‍സ് മലയാളി താരം എച്ച് എസ് പ്രണോയ് ഒന്‍പതാം സ്ഥാനത്തെത്തി. കഴിഞ്ഞ വർഷം 10-ാം സ്ഥാനത്തായിരുന്നു പ്രണോയ്. ഇന്ത്യയുടെ ലക്ഷ്യ സെന്‍ രണ്ട് സ്ഥാനങ്ങള്‍ മെച്ചപ്പെടുത്തി 11-ാം റാങ്കിലെത്തി. 

അന്താരാഷ്ട്ര ബാഡ്മിന്റണ്‍ സംഘടനയായ ബി ഡബ്ല്യു എഫ് ആണ് റിങ്കിങ് പുറത്തുവിട്ടത്. മുന്‍ ലോക ഒന്നാം നമ്പര്‍ താരമായ കിഡംബി ശ്രീകാന്ത് പട്ടികയിൽ 19-ാം സ്ഥാനത്താണ്. വനിതാ വിഭാഗം സിംഗിള്‍സില്‍ പി വി സിന്ധു 17-ാം സ്ഥാനത്താണ്. ഇന്ത്യയ്ക്ക് വേണ്ടി രണ്ട് തവണ ഒളിമ്പിക് മെഡല്‍ നേടിയ താരമാണ് സിന്ധു. ഇന്ത്യയുടെ സാത്വിക്-ചിരാഗ് സഖ്യം പുരുഷ ഡബിള്‍സില്‍ രണ്ടാം റാങ്കില്‍ തുടരുന്നു. വനിതാ ഡബിള്‍സില്‍ ഇന്ത്യയുടെ ട്രീസ-ഗായത്രി സഖ്യം 17-ാം സ്ഥാനത്താണ്.

ഈ വാര്‍ത്ത കൂടി വായിക്കൂ 

'സഞ്ജുവിനെ കളിപ്പിക്കണം, ടീമില്‍ നിന്നു മാറ്റി നിര്‍ത്തരുത്'

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ