യമോസൂക്രോ: ആഫ്രിക്കന്‍ നേഷന്‍സ് കപ്പ് ഫുട്‌ബോള്‍ കിരീടം ഐവറി കോസ്റ്റിനു. ഇത്തവണത്തെ ആഫ്രിക്കന്‍ കപ്പിന്റെ ആതിഥേയര്‍ കൂടിയായ ഐവറികള്‍ ഫൈനലില്‍ നൈജീരിയയെ വീഴ്ത്തിയാണ് തങ്ങളുടെ മൂന്നാം നേഷന്‍സ് കപ്പ് ഉയര്‍ത്തിയത്.

ഒന്നിനെതിരെ രണ്ട് ഗോളുകള്‍ക്കാണ് ഐവറി കോസ്റ്റിന്റെ വിജയം. ഒരു ഗോളിനു മുന്നില്‍ നിന്ന ശേഷമാണ് നൈജീരിയ തോല്‍വിയിലേക്ക് വീണത്. ഐവറികോസ്റ്റിന്റെ രണ്ട് ഗോളുകളും രണ്ടാം പകുതിയിലാണ് വന്നത്.

38ാം മിനിറ്റില്‍ വില്ല്യം ട്രൂസ്റ്റ് എകോങാണ് നൈജീരിയക്ക് ലീഡ് സമ്മാനിച്ചത്. എന്നാല്‍ 62ാം മിനിറ്റില്‍ ഫ്രാങ്ക് കെസ്സിയും 81ാം മിനിറ്റില്‍ സെബാസ്റ്റ്യന്‍ ഹല്ലറും ടീമിനായി ഗോളുകള്‍ നേടി.