'മദ്യപിച്ചെത്തി പീഡിപ്പിക്കാന്‍ ശ്രമിച്ചു'- എഐഎഫ്എഫ് അംഗത്തിനെതിരെ വനിതാ താരങ്ങള്‍
ന്യൂഡല്‍ഹി: ഇന്ത്യന്‍ ഫുട്‌ബോള്‍ ഫെഡറേഷന്‍ (എഐഎഫ്എഫ്) അംഗത്തിനെതിരെ പീഡന പരാതിയുമായി രണ്ട് ഇന്ത്യന്‍ വനിതാ താരങ്ങള്‍. എഐഎഫ്എഫ് അംഗം ദീപക് ശര്‍മ മദ്യപിച്ചെത്തി തങ്ങളെ ആക്രമിച്ചുവെന്നാണ് താരങ്ങളുടെ പരാതി. ഗോവയില്‍ നിന്നുള്ള രണ്ടാം ഡിവിഷനില്‍ കളിക്കുന്ന താരങ്ങളാണ് ആരോപണമുന്നയിച്ചത്.
ഹിമാചല്‍ പ്രദേശ് ഫുട്‌ബോള്‍ അസോസിയേഷന്‍ ജനറല്‍ സെക്രട്ടറിയാണ് ദീപക് ശര്‍മ. തനിക്കെതിരെ വന്ന പരാതിയെ അദ്ദേഹം തള്ളി. അടിസ്ഥാനരഹിതമായ ആരോപണമാണിതെന്നു അദ്ദേഹം വ്യക്തമാക്കി.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
അച്ചടക്ക ഇല്ലായ്മയെക്കുറിച്ച് താന്‍ താരങ്ങളോടു സംസാരിച്ചിരുന്നുവെന്നു ദീപക് പറയുന്നു. വിഷയം ഫെഡറേഷനില്‍ ചര്‍ച്ച ചെയ്യും. താരങ്ങളെ മറ്റാരൊക്കയോ ചേര്‍ന്നു തനിക്കെതിരെ തിരിക്കുകയാണെന്നും അദ്ദേഹം പ്രതികരിച്ചു.
വിഷയത്തിന്റെ ഇരു വശവും കേള്‍ക്കേണ്ടതുണ്ടെന്നു എഐഎഫ്എഫ് അധ്യക്ഷന്‍ കല്യാണ്‍ ചൗബെ വ്യക്തമാക്കി. വിഷയത്തില്‍ അന്വേഷണം നടത്തുമെന്നും അദ്ദേഹം കൂട്ടിച്ചേര്‍ത്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ