തിരുവനന്തപുരം: മെഡിക്കല് പ്രവേശനത്തിന് യോഗ്യത നേടിയ പാവപ്പെട്ട ഒരു വിദ്യാര്ത്ഥിക്കുപോലും പഠനാവസരം നഷ്ടപ്പെടില്ലെന്ന് മുഖ്യമന്ത്രി പിണറായി വിജയന്. സുപ്രീം കോടതി നിര്ദ്ദേശപ്രകാരം ബാങ്ക് ഗ്യാരണ്ടി കൊടുക്കാന് കഴിയാത്തതുകൊണ്ട് മാത്രം ഒരു വിദ്യാര്ത്ഥിക്കും പഠനാവസരം നിഷേധിക്കപ്പെടില്ലെന്ന് സര്ക്കാര് ഉറപ്പുവരുത്തുമെന്നും മുഖ്യമന്ത്രി പറഞ്ഞു.
സുപ്രീംകോടതി വിധി പ്രകാരം അന്തിമമായി ഫീസ് നിശ്ചയിക്കാനുള്ള അധികാരം നിയമപ്രകാരം സര്ക്കാര് രൂപീകരിച്ച ഫീസ് റഗുലേറ്ററി കമ്മിറ്റിക്കാണ്. ജസ്റ്റിസ് രാജേന്ദ്രബാബു അധ്യക്ഷനായ കമ്മിറ്റി കഴിയുന്നതും വേഗത്തില് ഫീസ് ഘടന അന്തിമമായി തീരുമാനിക്കണമെന്ന് ആവശ്യപ്പെടും. അലോട്ട്മെന്റ് ലഭിച്ച വിദ്യാര്ത്ഥികള്ക്ക് പ്രവേശനം പൂര്ത്തിയാക്കാന് ബാങ്ക് ഗ്യാരണ്ടി ലഭ്യമാക്കുന്നതിനും ഫീസ് നിര്ണ്ണയത്തിനുശേഷം ആവശ്യമെങ്കില് ബാങ്ക് വായ്പ ലഭ്യമാക്കുന്നതിനും സര്ക്കാര് സഹായിക്കുമെന്നും മുഖ്യമന്ത്രി അഭിപ്രായപ്പെട്ടു
പോസ്റ്റിന്റെ പൂര്ണരൂപം
സ്വാശ്രയ കോളേജില് മെഡിക്കല് പ്രവേശനത്തിന് യോഗ്യത നേടിയ പാവപ്പെട്ട ഒരു വിദ്യാര്ത്ഥിക്കുപോലും പഠനാവസരം നഷ്ടപ്പെടില്ലെന്ന് സര്ക്കാര് ഉറപ്പാക്കും.
സുപ്രീം കോടതി നിര്ദ്ദേശപ്രകാരം ബാങ്ക് ഗ്യാരണ്ടി കൊടുക്കാന് കഴിയാത്തതുകൊണ്ട് മാത്രം ഒരു വിദ്യാര്ത്ഥിക്കും പഠനാവസരം നിഷേധിക്കപ്പെടില്ലെന്ന് സര്ക്കാര് ഉറപ്പുവരുത്തും.
സുപ്രീംകോടതി വിധി പ്രകാരം അന്തിമമായി ഫീസ് നിശ്ചയിക്കാനുള്ള അധികാരം നിയമപ്രകാരം സര്ക്കാര് രൂപീകരിച്ച ഫീസ് റഗുലേറ്ററി കമ്മിറ്റിക്കാണ്. ജസ്റ്റിസ് രാജേന്ദ്രബാബു അധ്യക്ഷനായ കമ്മിറ്റി കഴിയുന്നതും വേഗത്തില് ഫീസ് ഘടന അന്തിമമായി തീരുമാനിക്കണമെന്ന് ആവശ്യപ്പെടും.
അലോട്ട്മെന്റ് ലഭിച്ച വിദ്യാര്ത്ഥികള്ക്ക് പ്രവേശനം പൂര്ത്തിയാക്കാന് ബാങ്ക് ഗ്യാരണ്ടി ലഭ്യമാക്കുന്നതിനും ഫീസ് നിര്ണ്ണയത്തിനുശേഷം ആവശ്യമെങ്കില് ബാങ്ക് വായ്പ ലഭ്യമാക്കുന്നതിനും സര്ക്കാര് സഹായിക്കും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ