തിരുവനന്തപുരം: കശാപ്പ് നിരോധിച്ച കേന്ദ്രസര്‍ക്കാര്‍ വിജ്ഞാപനം ചര്‍ച്ച ചെയ്യാന്‍ വിളിച്ച പ്രത്യേക സമ്മേളനത്തിലാണ് നിയമസഭാ ക്യാന്റീനില്‍ പ്രത്യേക പോസ്റ്റര്‍ പ്രത്യക്ഷപ്പെട്ടത്. പോസ്റ്ററിലെ ഉള്ളടക്കം ഇങ്ങനെ. 08/06/2017 ബീഫ് റോസ്റ്റ് ഉണ്ടായിരിക്കുന്നതാണ് എന്നായിരുന്നു.

കശാപ്പ് നിരോധനത്തിനെ ഭരണപ്രതിപക്ഷ വിത്യാസമില്ലാതെ പ്രേമേയം പാസാക്കി. ബിജെപി എംഎല്‍എ ഒ രാജഗോപാല്‍ മാത്രമാണ് പ്രമേയത്തെ എതിര്‍ത്തത്. കശാപ്പ് നിരോധനം എന്ന ഒറ്റ അജണ്ടമാത്രമാണ് ഇന്നത്തെ നിയമസഭാ സമ്മേളനത്തില്‍ ഉണ്ടായിരുന്നത്. പതിനാലാം കേരള നിയമസഭയുടെ ആറാമത് സമ്മേളനമാണ് വ്യാഴാഴ്ച നടന്നത്.