കൊച്ചി: കൊച്ചിയില്‍ മരിച്ച നിലയില്‍ കണ്ടെത്തിയ സിഎ വിദ്യാര്‍ഥിനി മിഷേല്‍ ഷാജി ഒരിക്കലും ആത്മഹത്യ ചെയ്യില്ലെന്ന് അടുത്ത സുഹൃത്തിന്റെ മൊഴി. സംഭവവുമായി ബന്ധപ്പെട്ട് പോലീസ് കസ്റ്റഡിയിലെടുത്ത ക്രോണിന്‍ മിഷേലിനെ ഉപദ്രവിച്ചിട്ടുണ്ടെന്നും കൂട്ടുകാരി മൊഴി നല്‍കിയിട്ടുണ്ട്. കേരളത്തിന് പുറത്തു പഠിയ്ക്കുന്ന ഈ സുഹൃത്തിന്റെ മൊഴി പോലീസ് ഫോണ്‍ വഴിയാണ് രേഖപ്പെടുത്തിയത്. മിഷേല്‍ ആത്മഹത്യ ചെയ്യില്ലെന്നും അതിനുമാത്രമുള്ള പ്രശ്‌നങ്ങള്‍ അവള്‍ക്കില്ലെന്നും ഇവര്‍ ഉറപ്പിച്ചു പറയുന്നുണ്ട്. മിഷേലിന്റെ ഫോണ്‍ വിളികളെ അടിസ്ഥാനമാക്കിയാണ് പോലീസ് ഈ സുഹൃത്തിന്റെ മൊഴിയെടുത്തത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ