കൊച്ചി: കൊച്ചിയില്‍ നടി ആക്രമിക്കപ്പെട്ട സംഭവത്തിന് ഒരു വര്‍ഷം തികയുമ്പോഴും അന്വേഷണം വഴിമുട്ടി നില്‍ക്കുന്നതില്‍ പ്രതിഷേധവുമായി മലയാള സിനിമാ രംഗത്തെ വനിതാ കൂട്ടായ്മയായ വിമന്‍ ഇന്‍ സിനിമാ കളക്ടീവ് പ്രതിഷേധവുമായി രംഗത്ത്. നീതി ലഭിക്കാന്‍ വൈകിക്കുന്നത് നീതി നിഷേധിക്കുന്നതിന് തുല്യമാണെന്ന് വിമന്‍ ഇന്‍ സിനിമാ കളക്ടീവ് പറയുന്നു.
'ഇന്ന് ഫെബ്രുവരി 17, മലയാള സിനിമാ ലോകത്തെ തന്നെ പിടിച്ചു കുലുക്കിയ ദിനം. മാനസികവും ശാരീരികവും സാമൂഹികവുമായി ഉലഞ്ഞിട്ടും അതിനെയെല്ലാം തരണം ചെയ്ത് ശക്തമായി നിലകൊണ്ട ഞങ്ങളുടെ സഹപ്രവര്‍ത്തകയെ ഏറെ ബഹുമാനിക്കുന്നു. ആ പോരാട്ടം ഇനി ഞങ്ങളുടെതാണ്, ഓരോ സിനിമാ പ്രവര്‍ത്തകയുടെയും. സിനിമാ മേഖലയില്‍ നിര്‍ഭയമായും തുല്യതയോടെയും പ്രവര്‍ത്തിക്കാന്‍ ആ പോരാട്ടം തുടരുക തന്നെ ചെയ്യും. ഇന്ന് വിമന്‍ ഇന്‍ സിനിമാ കളക്ടീവ് വീണ്ടും ആവര്‍ത്തിക്കുന്നു നീതി ലഭിക്കാന്‍ വൈകിക്കുന്നത് അത് നിഷേധിക്കുന്നതിന് തുല്യമാണ്' എന്നാണ് വിമന്‍ ഇന്‍ സിനിമാ കള്കടീവ് ഫെയ്‌സ്ബുക്കില്‍ കുറിച്ചു
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ