ന്യൂഡല്‍ഹി: ലൈറ്റ് മെട്രോ പദ്ധതികളില്‍ കൂടുതല്‍ ആലോചന ആവശ്യമാണെന്ന് ധനമന്ത്രി തോമസ് ഐസക്ക്. വരുംവരായ്കകള്‍ ആലോചിക്കാതെ ലൈറ്റ് മെട്രോ അടക്കമുള്ള പദ്ധതികള്‍ ഏറ്റെടുക്കാനാവില്ല. ഇത്തരം പദ്ധതികള്‍ സര്‍ക്കാരിന് കൂടുതല്‍ ബാധ്യതയാണ് വരുത്തിവെക്കുക. അതുകൊണ്ട് തന്നെ നല്ലനിലയില്‍ ആലോചിച്ചശേഷം മാത്രമേ മുന്നോട്ടുപോകാന്‍ കഴിയൂവെന്നും തോമസ് ഐസക്ക് മാധ്യമങ്ങളോട് പറഞ്ഞൂ.
ഇത്തരം വന്‍കിട പദ്ധതികള്‍ സുസ്ഥിരമാകണം. അതുകൊണ്ടുതന്നെ കൂടുതല്‍ പഠനം നടത്തിയശേഷം മാത്രമേ തീരുമാനമെടുക്കാന്‍ സാധിക്കൂ. എല്ലാ വന്‍കിട പദ്ധതികളും ഏറ്റെടുത്ത് വര്‍ഷാവര്‍ഷം നഷ്ടം നികത്തുക എന്നുള്ളത് സര്‍ക്കാരിന് വലിയ ഭാരമാകും. അതുകൊണ്ട് സാങ്കേതികമായ സാധ്യതകള്‍ പരിശോധിച്ച്, ആര്‍ക്കാണ് അത് സാങ്കേതികമായി നന്നായി ചെയ്യാന്‍ സാധിക്കുകയെന്നതും വരുംവരായ്കകളും കൃത്യമായ പരിശോധന നടത്തേണ്ടിവരുമെന്നും തോമസ് ഐസക്ക് പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ