പ്രളയം കടന്നു പോയി നാല് മാസത്തിന് ശേഷം കേരളത്തിന് 2,500 കോടി രൂപയുടെ ധനസഹായം നല്‍കാന്‍ കേന്ദ്ര സര്‍ക്കാരിന്റെ അനുമതി. ഇതിന് മുന്‍പ് കേന്ദ്രം 600 കോടി രൂപയാണ് കേന്ദ്രം കേരളത്തിന് അനുവദിച്ചിരുന്നത്. 

പ്രളയം തീര്‍ത്ത ആഘാതത്തില്‍ നിന്നും കരകയറുന്നതിനായി 4,800 കോടി രൂപയുടെ ധനസഹായം ആവശ്യപ്പെട്ടായിരുന്നു സെപ്തംബറില്‍ കേരള സര്‍ക്കാര്‍ കേന്ദ്രത്തിന് മുന്നില്‍ നിവേദനം വെച്ചത്. യൂണിയന്‍ ഹോം സെക്രട്ടറി രാജീവ് ഗൗഭ അധ്യക്ഷനായ കമ്മിറ്റിയാണ് കേരളത്തിന് ഇപ്പോള്‍ 3,100 കോടി രൂപ  അനുവദിച്ചിരിക്കുന്നത്. ഇതില്‍ നേരത്തെ നല്‍കിയ 600 കോടി രൂപയും ഉള്‍പ്പെടും. 

രാജീവ് ഗൗഭ അധ്യക്ഷനായ സമിതിയുടെ തീരുമാനം ആഭ്യന്തര മന്ത്രിയും ധനകാര്യ മന്ത്രിയും കൃഷി മന്ത്രിയും അടങ്ങിയ ഉന്നതാധികാര സമിതി വിലയിരുത്തും. അതിന് ശേഷമാകും പാക്കേജില്‍ അന്തിമ തീരുമാനമാവുക.