കൊച്ചി : കേരളാ ഹൈക്കോടതിയിലെ മുതിര്‍ന്ന അഭിഭാഷകനായ ജസ്റ്റിസ് പി ആര്‍ രാമചന്ദ്ര മേനോന്‍ ഛത്തീസ്ഗഡ് ഹൈക്കോടതി ചീഫ്ജസ്റ്റിസാകും. ഛത്തീസ്ഗഡ് ഹൈക്കോടതി ചീഫ് ജസ്റ്റിസായിരുന്ന എ കെ ത്രിപാഠി രാജി വച്ച ഒഴിവിലേക്കാണ് നിയമനം. സുപ്രിം കോടതി കൊളീജിയത്തിന്റെ ശുപാര്‍ശ അംഗീകരിച്ചാണ് രാഷ്ട്രപതി വിജ്ഞാപനം പുറപ്പെടുവിച്ചത്. 

 ഇക്കഴിഞ്ഞ ഏപ്രില്‍ എട്ടിനാണ് ജസ്റ്റിസ് പി ആര്‍ രാമചന്ദ്ര മേനോന്റെ പേര് കൊളീജിയം നിര്‍ദ്ദേശിച്ചത്. ജഡ്ജിയായി നിയമിക്കപ്പെട്ടത് മുതല്‍ ഹൈക്കോടതിയില്‍ അദ്ദേഹം സേവനം അനുഷ്ഠിച്ച് വരികയായിരുന്നു.