പത്തനംതിട്ട ജില്ലയിലെ കോന്നിയില്‍ നിന്ന് കഴിഞ്ഞ ദിവസം രാജവെമ്പാലയെ പിടികൂടിയതോടെ വാവ സുരേഷ് പിടിച്ച രാജവെമ്പാലയുടെ എണ്ണം  169 ആയി. പറമ്പില്‍ രാജവെമ്പാലയെ കണ്ടെത്തിയതിന് പിന്നാലെ പ്രദേശവാസികള്‍ വാവയെ വിവരമറിയിക്കുകയായിരുന്നു. രണ്ട് ദിവസമായി ഭക്ഷണമൊന്നും കഴിക്കാത്തതിനാല്‍ അവശ നിലയിലായിരുന്നു രാജവെമ്പാല. കൃഷ്ണ സര്‍പ്പമെന്നും ശംഖുമാലയെന്നും അറിയപ്പെടുന്ന പാമ്പാണ് രാജവെമ്പാല. ഇതിന്റെ പത്തിയില്‍ ചെറിയൊരു മുറിവും ഉണ്ടായിരുന്നു.

ഇവിടെ നിന്നും പിടികൂടിയ രാജവോമ്പാലയെ പിന്നീട് കോന്നിയിലെ ഉള്‍വനത്തില്‍ കോണ്ടുപോയി തുറന്നു വിട്ടു. സമീപത്തു കൂടിയൊഴുകുന്ന അച്ചന്‍കോവിലാറിനു സമീപത്തേക്കാണ് രാജവെമ്പാല ഇഴഞ്ഞു നീങ്ങിയത്. ഏകദേശം 13 അടിയോളം നീളമുള്ള 5 വയസ്സുള്ള പെണ്‍ രാജവെമ്പാലയെയാണ് ഉള്‍വനത്തില്‍ തുറന്നു വിട്ടത്.