കോഴിക്കോട് : പൊലീസിനെ ഭയന്നോടി മതിലിൽ കയറിയ പ്രതി പ്രതി മതിലിടിഞ്ഞു വീണ് പരുക്കളോടെ പിടിയിലായി. എടക്കാട് സ്വദേശി പി ടി രാഹുൽ (26) ആണ് പൊലീസിന്റെ പിടിയിലായത്. ബീച്ച് ആശുപത്രിക്ക് സമീപത്തെ മതിലിൽ നിന്നാണ് ഇയാൾ മതിലടക്കം ഇടിഞ്ഞു വീണത്.
വീഴ്ചയിൽ രാഹുലിന്റെ മുഖത്ത് പരിക്കുണ്ട്. രാഹുലിനെ പൊലീസ് അറസ്റ്റ് ചെയ്ത് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. കൊലപാതകം അടക്കം ഏഴു കേസുകളിലെ പ്രതിയാണ് രാഹുലെന്ന് പൊലീസ് അറിയിച്ചു.
ഓണനാളിൽ എടക്കാട് തടങ്ങാട്ടു വയലിൽ വച്ചുണ്ടായ അക്രമത്തിൽ കൈയ്ക്കും തലക്കും പരുക്കേറ്റ് ജോഷിതി(25)നെ ബീച്ച് ആശുപത്രിയിൽ പ്രവേശിപ്പിച്ചിരുന്നു. ഈ സംഭവത്തിൽ രാഹുലിനെതിരെ ജോഷിത് പരാതി നൽകിയിരുന്നു. വീണ്ടും ജോഷിതിനെ ആക്രമിക്കാൻ എത്തിയ രാഹുലിനെ നാട്ടുകാരും പൊലീസും ചേർന്ന് പിടികൂടാൻ ശ്രമിക്കവെയാണ് ഇയാൾ ഓടിയത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ