കോഴിക്കോട്; ഉപയോഗിക്കാത്ത ഗ്യാസ് സിലിണ്ടര്‍ പൊട്ടിത്തെറിച്ച് കോഴിക്കോട് വീട് തകര്‍ന്നു. കുറ്റിയാടി തീക്കുനി സ്വദേശി മൊയ്തുവിന്റെ വീടാണ് തകര്‍ന്നത്. ഗ്യാസ് സിലിണ്ടറിന്റെ കാലപ്പഴക്കം അപകടകാരണമെന്നാണ് പ്രാഥമിക നിഗമനം. സംഭവത്തില്‍ അന്വേഷണം തുടങ്ങി.
മൊയ്തുവിന്റെ അടുക്കള വരാന്തയിലാണ് ഉപയോഗിക്കാത്ത ഗ്യാസ് സിലിണ്ടര്‍ സൂക്ഷിച്ചിരുന്നത്. പുലര്‍ച്ചെ മൂന്ന് മണിയോടെ ഇത് പൊട്ടിത്തെറിക്കുകയായിരുന്നു. പൊട്ടിത്തെറിയുടെ ആഘാതത്തില്‍ അടുക്കളയും കുളിമുറിയും തകര്‍ന്നു. മൊയ്തുവും ഭാര്യയും മക്കളും അടക്കം അഞ്ച് പേരാണ് വീട്ടിലുണ്ടായിരുന്നെങ്കിലും പുലര്‍ച്ചെയായതിനാല്‍ അപകടം ഒഴിവായി.
നാദാപുരത്തെ ഗ്യാസ് ഏ!ജന്‍സിയില്‍ നിന്നും രണ്ടാഴ്ച മുമ്പാണ് സിലിണ്ടര്‍ വീട്ടിലെത്തിച്ചത്. ഗ്യാസ് സിലിണ്ടറിന്റെ കാലപ്പഴക്കം അപകട കാരണമെന്നാണ് പോലീസിന്റെ പ്രാഥമിക നിഗമനം. കൂടുതലറിയാന്‍ വരും ദിവസങ്ങളില്‍ വിദഗ്ധ പരിശോധന നടക്കും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ