മലപ്പുറം: എംപി സ്ഥാനം രാജിവച്ച് നിയമസഭ തെരഞ്ഞെടുപ്പില്‍ മത്സരിക്കാനുള്ള കുഞ്ഞാലിക്കുട്ടിയുടെ തീരുമാനം പുനപ്പരിശോധിക്കണമെന്ന് മുസ്ലിം യൂത്ത് ലീഗ്. തീരൂമാനം പാര്‍ട്ടിയെ പ്രതിസന്ധിയിലാക്കിയെന്ന് യൂത്ത് ലീഗ് വൈസ് പ്രസിഡന്റ് മുഈര്‍ അലി തങ്ങള്‍ പറഞ്ഞു. പാണക്കാട് ഹൈദരാലി ശിഹാബ് തങ്ങളുടെ മകനാണ് മുഈര്‍.
നിയമസഭ തെരഞ്ഞെടുപ്പില്‍ മത്സരിക്കാനുള്ള തീരൂമാന പ്രഖ്യാപനത്തിന് പിന്നാലെ ഇടതുപക്ഷവും ബിജെപിയും ശക്തമായ വിമര്‍ശനം ഉന്നയിരിച്ചിരുന്നു. ഇതിന് പിന്നാലെയാണ് യൂത്ത് ലീഗിന്റെ ഭിന്നാഭിപ്രായം വന്നിരിക്കുന്നത്.
മുസ്ലിം ലീഗ് ഉന്നതാധികാര സമിതിയാണ് കുഞ്ഞാലിക്കുട്ടിയെ നിയമസഭ തെരഞ്ഞെടുപ്പില്‍ മത്സരിപ്പിക്കുന്നതിനെ കുറിച്ച് തീരുമാനമെടുത്തത്. തെക്കന്‍ കേരളം കേന്ദ്രീകരിച്ച് പ്രവര്‍ത്തിക്കാനാണ് തീരുമാനം. പാര്‍ലമെന്റ് ഉപതെരഞ്ഞെടുപ്പും നിയമസഭ തെരഞ്ഞെടുപ്പും ഒരേസമയം നടത്താന്‍ പറ്റുന്ന തരത്തില്‍ രാജിവയ്ക്കാനാണ് ആലോചന.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ