തൃശ്ശൂർ: കോവിഡ് ബാധിച്ച് തമിഴ്നാട്ടിൽ മലയാളി മരിച്ചു. തൃശൂർ സ്വദേശി സി എൽ റപ്പായി ആണ് മരിച്ചത്. 89 വയസ്സായിരുന്നു. ചെന്നൈ കിൽപോക്കിലെ മാനസികാരോഗ്യ കേന്ദ്രം ജീവനക്കാരനായിരുന്നു റപ്പായി.

തമിഴ്‌നാട്ടിൽ കൊറോണ വൈറസ് ബാധിതരുടെ എണ്ണം കുതിച്ചുയരുകയാണ്. ഇതുവരെ 31,000 ത്തിലധികം ആളുകൾക്കാണ് സംസ്ഥാനത്ത് കോവിഡ് സ്ഥിരീകരിച്ചത്. 31,677 പേർക്ക് കൊറോണ സ്ഥിരീകരിച്ചതായാണ് ഔദ്യോഗിക കണക്കുകൾ.

കേരളത്തിൽ ഇന്നലെ കോവിഡ് ബാധിച്ച് ഒരാൾ കൂടി മരിച്ചു. 87കാരനായ തൃശൂർ ഏങ്ങണ്ടിയൂർ സ്വദേശിയാണ് മരിച്ചത്. ശ്വാസം മുട്ടിലിനെ തുടർന്ന് സ്വകാര്യ ആശുപത്രിയിൽ ചികിത്സയിലായിരുന്ന ഇയാളെ തൃശൂർ മെഡിക്കൽ കോളജ് ആശുപത്രിയിൽ എത്തിച്ച ഉടനെയാണ് മരിച്ചത്. ഇതോടെ സംസ്ഥാനത്തെ കോവിഡ് മരണം പതിനാറായി.