മലപ്പുറം: തിരൂരിനടുത്ത് ചെറിയമുണ്ടത്ത് യുവാവിന് നേരെ ആക്രമണം. 23 വയസുള്ള സല്‍മാനുല്‍ ഹാരിസിനെയാണ് ഒരു സംഘം യുവാക്കള്‍ ആക്രമിച്ചത്. സഹോദരിയെ ശല്യം ചെയ്തെന്ന് ആരോപിച്ച് ഒരു സംഘം മര്‍ദ്ദിച്ചെന്ന് യുവാവിന്റെ വീട്ടുകാര്‍ പൊലീസില്‍ പരാതി നല്‍കി. വീട്ടുകാരുടെ പരാതിയില്‍ പൊലീസ് കേസെടുത്തു.
കഴിഞ്ഞദിവസം നാല് മണിയോടെയാണ് സംഭവം ഉണ്ടായത്. ഇയാളെ മര്‍ദ്ദിക്കുന്ന ദൃശ്യം മൊബൈല്‍ ഫോണില്‍ പകര്‍ത്തി അക്രമി സംഘം പ്രചരിപ്പിക്കുകയും ചെയ്തു. സല്‍മാനുല്‍ ഹാരിസിന്റെ അമ്മ സുഹ്‌റ പൊലീസിലും മുഖ്യമന്ത്രിക്കും പരാതി നല്‍കിയിട്ടുണ്ട്. മാനസിക വെല്ലുവിളി നേരിടുന്ന മകനെയാണ് ആക്രമിച്ചതെന്ന് സുഹ്‌റ പരാതിയില്‍ ആരോപിച്ചിട്ടുണ്ട്. പ്രതികള്‍ പ്രായപൂര്‍ത്തിയാവാത്തവരാണെന്നാണ് വിവരം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ