റിയാദ്: നാളെ നാട്ടിലേക്ക് വരാനിരുന്ന പ്രവാസി മലയാളി സൗദിയില് മരിച്ചു. മലപ്പുറം അരീക്കോട് കുനിയില് സ്വദേശി ഇയ്യക്കാട്ടില് അരവിന്ദന് (56) ആണ് ഹൃദയാഘാതം മൂലം മരിച്ചത്. സൗദി കിഴക്കന് പ്രവിശ്യയിലെ അല് ഹസയില് ഹുഫൂഫിന് സമീപം മുനൈസിലയില് വെച്ചാണ് മരണം. എല്ലാ ഒരുക്കവും പൂര്ത്തിയാക്കി യാത്രയ്ക്ക് കാത്തിരിക്കുന്നതിനിട ആയായിരുന്നു അരവിന്ദന്റെ ആകസ്മിക വിയോഗം.
ആറ് മാസം മുമ്പ് ഹൃദയത്തിന് ബൈപാസ് ശസ്ത്രക്രിയ കഴിഞ്ഞ് വന്നതാണ് അരവിന്ദന്. മരപ്പണിക്കാരന് കൂടിയായ അരവിന്ദന് കഴിഞ്ഞ 30 വര്ഷത്തോളമായി സ്പോണ്സറുടെ കൂടെ നിര്മാണ മേഖലയില് പ്രവര്ത്തിച്ചു വരികയായിരുന്നു. അമ്മയും ഭാര്യയും മൂന്ന് മക്കളുമടങ്ങുന്ന നിര്ധന കുടുംബത്തിലെ ഏക അത്താണിയായിരുന്നു.
ഹുഫൂഫ് അല് ജാഫര് ജനറല് ആശുപത്രി മോര്ച്ചറിയിലുള്ള മൃതശരീരം നടപടിക്രമങ്ങള് പൂര്ത്തിയാക്കി നാട്ടിലെത്തിക്കാന് അല് അഹ്സയിലെ സാമൂഹിക പ്രവര്ത്തകര് രംഗത്തുണ്ട്.
ഈ വാര്ത്ത കൂടി വായിക്കൂ മറ്റൊരു പുരുഷനുമായി ബന്ധമെന്ന് സംശയം, ഭാര്യയുടെ മുഖത്ത് ആസിഡ് ഒഴിച്ചു, രക്ഷിക്കാനെത്തിയ ആളെ കുത്തി, ഭര്ത്താവ് അറസ്റ്റില്
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ