തിരുവനന്തപുരം: നെയ്യാറ്റിന്‍കരയിലെ സ്വകാര്യ ആശുപത്രിയില്‍ ചികിത്സയില്‍ കഴിയുന്ന മുന്‍ മുഖ്യമന്ത്രി ഉമ്മന്‍ ചാണ്ടിയെ നാളെ ബംഗളൂരുവിലേക്ക് മാറ്റും. ബംഗളൂരുവിലേക്കു കൊണ്ടുപോവുന്നതിനുള്ള എല്ലാ സംവിധാനങ്ങളും കോണ്‍ഗ്രസ് പാര്‍ട്ടി ഒരുക്കുമെന്ന് എഐസിസി ജനറല്‍ സെക്രട്ടറി കെസി വേണുഗോപാല്‍ പറഞ്ഞു.
ന്യുമോണിയ ഭേദമായെന്നു ഡോക്ടര്‍മാര്‍ അറിയിച്ചതായി, ഉമ്മന്‍ ചാണ്ടിയെ കണ്ടശേഷം വേണുഗോപാല്‍ പറഞ്ഞു. അദ്ദേഹത്തിനു ചെറിയ ക്ഷീണമുണ്ട്. പാര്‍ട്ടി പ്രസിഡന്റിന്റെ നിര്‍ദേശപ്രകാരമാണ് താന്‍ ഉമ്മന്‍ ചാണ്ടിയെ കാണാന്‍ എത്തിയതെന്നും വേണുഗോപാല്‍ പറഞ്ഞു.
അദ്ദേഹത്തിന് ഏതു ചികിത്സ നല്‍കുന്നതിലും കുടംബത്തിന് എതിര്‍പ്പില്ലെന്ന്, ഉമ്മന്‍ ചാണ്ടിയുടെ മകന്‍ ചാണ്ടി ഉമ്മന്‍ പറഞ്ഞു. ചികിത്സയുമായി ബന്ധപ്പെട്ട് വ്യാജ പ്രചാരണങ്ങളാണ് നടക്കുന്നത്. ചികിത്സയുടെ എല്ലാ രേഖകളും തന്റെ പക്കല്‍ ഉണ്ടെന്നും ചാണ്ടി ഉമ്മന്‍ പറഞ്ഞു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ