പത്തനംതിട്ട: പൊലീസ് കസ്റ്റഡിയിൽ നിന്ന് പോക്സോ കേസ് പ്രതി രക്ഷപ്പെട്ടു. പത്തനംതിട്ടയിൽ സീതത്തോടാണ് സംഭവമുണ്ടായത്. തെളിവെടുപ്പിന് എത്തിച്ച പ്രതി കൈവിലങ്ങുമായി ഓടിരക്ഷപ്പെടുകയായിരുന്നു. മീൻകുഴി സ്വദേശി ജിതിനാണ് രക്ഷപ്പെട്ടത്.
വൈകിട്ട് ആറു മണിയോടെയായിരുന്നു സംഭവം. പോക്സോ കേസ് പ്രതിയായ ജിതിനെ ചിറ്റാർ പൊലീസാണ് കസ്റ്റഡിയിലെടുത്തത്. സീതത്തോട് തെളിവെടുപ്പിന് എത്തിച്ചപ്പോൾ ഓടിപ്പോവുകയായിരുന്നു. പൊലീസുകാർ പിന്നാലെ ഓടിയെങ്കിലും ജിതിനെ കണ്ടെത്താനായില്ല. സ്ഥലത്തും പരിസര പ്രദേശങ്ങളിലും പൊലീസും നാട്ടുകാരും തെരച്ചിൽ നടത്തുന്നുണ്ട്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ